Read Maasai Bible – Biblia Sinyati Hosea 11 Bible Online

Hosea 11 - Maasai Bible – Biblia Sinyati bible

Hosea 11

¹Ore apa aa enkerai Israel atonyorra nanu ninye, ore te Misiri naipotuo nanu enkerai ai.

²Ore anaa enaipotu nanu ninche, naapuo ninche aaing'uaa nanu; netotoni ninche epolosaki enkitanyaanyukoto e nkai naji Baal nepejoki nkitanyaanyukot enkorropil.

³Ore eyia nanu apa oitamoo Israel meshomo, atudumua nanu ninche too nkaik aainei; Kake eitu ninche eyiolou nchere aishiunye nanu ninche.

⁴Atorikoyie nanu ninche too nkeenta o lng'ur, too enat e nyorrata, natiu nanu te ninche anaa ilo oitololong enchata too iltagiligil lenye too murto enye, nairrugokino nanu ninche naitoti ninche.

⁵Kerrinyo ninche aapuo enkop e Misiri, naa kelo Asiria aaku olaiguanani lenye, te nkaraki natanyaita ninche aarrinyokino nanu.

⁶Olalem olo ashurt nena anas enye, neidaikie ninche tiatua nena wuejitin enye neegol.

⁷Eteenikinote iltung'ana laainei enkibelekenyakinoto pee aapuo aaing'uaa nanu; neaku etegelakaki ninche enchata e murt nemeetae ololaku.

⁸Kaji nanu aiko tenapalaa intae; iyie Israel? Kaji nanu aiko tenaaing'uaa intae; iyie Israel! Kaji nanu aiko te naitanyaanyukie intae o Adama! Kaji nanu aiko te naitaas intae anaa Seboim! Eibelekenye oltau lai tiatua nanu, eirowuaja olng'ur lai neborru.

⁹Maasishore nanu engoro ai napi, maigil nanu aidaikie Efraim amu Kara nanu Enkai mara oltung'ani Ilo Sinyati otii atua intae, nemalotu nanu aidakie.

¹⁰Kepuo ninche aasujaa Olaitoriani, naa keikurrukur ninye anaa olng'atuny, ee keikurrukur, ore layiok lenyena nepuonu eikirikira eing'uaa enkalo o loo ntoluo.

¹¹Nepuonu ninche eikirikira anaa ntaritik naaing'uaa Misiri, o anaa nturkuluoni eing'uaa enkop e Asiria; naa karriny nanu ninche meshomo inkang'itie enye, Olaitoriani ojo.

¹²Aatang'adutua nanu iltung'ana le Israel te lejare, naang'adu enkaji e Israel too monko; kake eton eyioloi iltung'ana le Yuda te Nkai, naa keisiligayu ninye te ilo Osinya.