Read Maasai Bible – Biblia Sinyati Yona 4 Bible Online

Yona 4 - Maasai Bible – Biblia Sinyati bible

Yona 4

¹Kake eitu eitiship ena Yona tukul, etagore ninye oleng.

²Eomon ninye Olaitoriani nejo, “Aatoomono nanu iyie, Olaitoriani, aime ena apake nanu atejo eton atii enkop ang? Te nkaraki ena apa pee aisarisara nanu aisikaki Tarshishi; amu atayiolo apa nanu nchere ira iyie Enkai osotua niata olng'ur, nimegoro asioki, nikibore enyorrata nauno, nipalaki entorroni.

³Ore naa taata, Olaitoriani, intayu enkishui ai intung'uayioki nanu, aatasayia iyie, amu enaikash te nanu te naye alang te naishu.”

⁴Nejo Olaitoriani, “Amaa, itaasa iyie esidai itagore?”

⁵Neitoki Yona aipang alo auluo en kanasa neton te nkalo e nkilepunoto e nkolong e ina anasa neitobiraki kewan olng'obor teine. Neton ninye ti abori oloip o metaba anaa nedol enapukoki ina anasa.

⁶Negelu Olaitoriani Enkai enkaitubului neisho ninye metubulu te shumata Yona, pee etum ataa oloip te shumata endukuya enye, pee eitajeu ninye te nkirowuaj e nkolong. Neshipayu Yona oleng te nkaraki ina aitubului.

⁷Kake ore ake pee emanaa enkakenya te nkolong e are, negelu Enkai olkurto oinosa ina aitubului, neaku etoyio.

⁸Ore ake pee eilepu enkolong, neirriu Enkai olkutati oirowua oing'uaa enkilepunoto e nkolong, near enkolong endukuya e Yona o meiterria, neikilikuanu ninye pee eye, nejo, “Enaikash nanu te naye alang te naishu.”

⁹Kake etiaaka Enkai Yona, “Itaasa iyie esidai ti nigorokino enkaitubului?” Nejo ninye, “Ataasa nanu esidai agoro, atagore ene keeya.”

¹⁰Nejo Olaitoriani, “Ing'urrie iyie ina aitubului neitu iasaki esiaai, neitu iyie intubulu ninye, ina naaku kewarie neidaaya te nkewarie.

¹¹Aimaing'urrie naa nanu Ninawi, idia anasa kitok, natii atua ninye ilkumok oogiroo inkalifuni iip o tikitam lemeyiolo ninche aaitirrisha enkaina enye e tatene o ene kedianye, netii sii nchoo kumok?”