Read Maasai Bible – Biblia Sinyati Enkikena 34 Bible Online

Enkikena 34 - Maasai Bible – Biblia Sinyati bible

Enkikena 34

¹Nejoki Olaitoriani Musa,

²“Intanapa iltung'ana le Israel tiaaki ninche, Ti nipuopuo aajing enkop e Kanaan, (ena kop nalo aaku enjungore inyi, ina kop e Kanaan ebaiki e enebaiki).

³Ore enkalo inyi e kopikop naa keaku ebaiki ong'ata e Sin amanaa to lkirine le Edom, naa ore olpolosie linyi te nkalo e kopikop naa ebaiki enkiting'oto Enaiposha e Munyan te nkalo o loosaen;

⁴nelo olpolosie linyi neirrugo aing'or kopikop e nkilepunoto te nkalo e Akrabim, nedung alo Sin, ore enkiting'oto enye naa keaku kopikop e Kadesh-Barnea; neitoki adoyio alo o metabaiki Hasar-adari, negiroo alo Asmon;

⁵neitoki olpolosie aibelekenya te Asmon o meshomo Ereyiet e Misiri, ore enkiting'oto enye naa te naiposha.

⁶“Ore to lpolosie lo loontoluo inchoo eaku Enaiposha Kitok o lomanaa lenye; ele ninye oaku olpolosie lino lo loontoluo.

⁷“Ele olo aaku olpolosie lino le moikuape: ore ebaiki Enaiposha Kitok, entipik olpolosie linyi o metabaiki Oldoinyo le Hor;

⁸ore ebaiki Oldoinyo le Hor entipik olpolosie o metabaiki enkutuk e Hamat, ore enkiting'oto e ilo polosie nelo aaku Sedad’

⁹neitoki ilo polosie alo abaya Sifron, ore enkiting'oto enye nelo aaku Hasar-enan, ele ninye; olo aaku olpolosie linyi le moikuape.

¹⁰“Entobira ilpolosien linyi lo loosaen ebaiki Hasar-enan o metabaiki Shefam;

¹¹nedoyio ilo polosie alo ebaiki te Shefam o metabaiki Ribla te nkalo oloosaen le Aim; nedoyio ilo polosie alo o metabaiki olmanie le naiposha e Kineret te nkalo oloosaen;

¹²nedoyio ilo polosie alo olkeju le Yordan, ore enkiting'oto enye nelo aaku Enaiposha e Munyan. Ena ninye nalo aaku enkop inyi emanita ilpolosien pooki.”

¹³ Neitanap Musa iltung'ana le Israel ajoki, “Ena kop intae ipuopuo aajung te oshoto e nkukuo, naa ninye eitanapishe Olaitoriani pee eisho iloshon ooudo o lpisiai lo losho;

¹⁴amu ore olosho loo layiok le Ruben too nkajijik oo loo menye, o losho loo le Gad too nkajijik oo loo menye, netang'amutua enjung'ore enye o lpisiai sii lo losho le Manase.

¹⁵Ore lelo oshon pokira oaare o ilo pisiai lo losho netang'amutua enjung'ore enye te lido kekun lo lkeju le Yordan, etalita Yeriko, te nkalo o loosaen, te neilepunye enkolong.”

¹⁶Nejoki Olaitoriani Musa,

¹⁷“Kuna ninche inkarn oo ltung'ana e lelo tung'ana oopuo aadung'oki intae enkop naaku enjung'ore inyi: Eliesa ilo apolosani o Yoshua olayioni le Nuni.

¹⁸Iwa ake olarikoni obo te pooki osho, pee epuo aaor enkop naaku enjung'ore.

¹⁹Kuna ninche inkarn e lelo tung'ana: ore olosho le Yuda, naa Kaleb olayioni le Yefune.

²⁰Ore olo losho loo layiok le Simeon naa Shemuel olayioni le Amihud.

²¹Ore olo losho loo layiok le Benchamen naa Elida olayioni le Kislon.

²²Ore olarikoni lo losho loo layiok le Dan naa Buki olayioni le Yogli.

²³Ore olarikoni loo layiok le Yosef: lo losho loo layiok le Manase naa Haniel olayioni le Efod.

²⁴Ore olarikoni lo losho loo layiok le Efraim, naa Kemuel olayioni le Shiftan.

²⁵Ore olarikoni lo losho loo layiok le Sebulon, naa Elisafan olayioni le Parnak.

²⁶Ore olarikoni lo losho loo layiok le Isaakar naa Paltiel olayioni le Asaan.

²⁷Ore olarikoni lo losho loo layiok le Asheri naa Ahihud olayioni le Shelomi.

²⁸Ore olarikoni lo losho loo layiok le Naftali naa Padehel olayioni le Amihud.

²⁹Kulo ninche lelo lewa apa ooitanapa Olaitoriani metooriki ina jung'ore iltung'ana le Israel te nkop e Kanaan.”