Read Maasai Bible – Biblia Sinyati Sakaria 5 Bible Online

Sakaria 5 - Maasai Bible – Biblia Sinyati bible

Sakaria 5

¹Naitoki ake araposhu inkonyek aainei aing'orisho, ng'ura olpiyayati le mbuku olo to loing'ang'e!

²Naajoki ninye nanu, “Ainyoo idolita?” Nawal ajo, “Adolita olpiyayati le mbuku nalo to loing'ang'e; naa ore enkadori enye naa intemat enkaina tikitam ore endapasho naa intemat e nkaina tomon.”

³Ina pee aajoki ninye nanu, “Ore ena naa oldeket olo oriong enkop pooki, amu ore ake ninye pooki opurrisho naa kedung'ori aaiwuang'ie ebaiki ena kata nelo dukuya te risioroto eina purrorre, anaa pooki ng'ae onya olmumai le lejare naa kedung'ori aaiwuang'ie te risioroto ele mumai.

⁴Ekairriwaa nanu meshomo dukuya, Olaitoriani loo lororani ojo, naa kejing enkaji o lapurroni, nejing sii enkaji e ilo onya olmumai le lejare te enkarna ai; naa kebik te nkaji enye anya ninye, enya imbaoi tenebo isoito.”

⁵Ina pee elotu dukuya ilo malaika laairorie nanu naajoki, “Taraposhu inkonyek inono nidol ena toki nalotu?”

⁶Najo, “Ainyoo doi?” Nejo ninye, “Ore ena naa enkikapu, neitodolu ena kikapu ing'ok enkop pooki.”

⁷Naa ng'ura, etaboloki ninye aadumu enkikenet enye, netii atua enkitok natonita tiatua enkikapu.

⁸Nejo ninye, “Ore ina kitok naa Entorroni eutu.” Nerrumoki ninye atua enkikapu nerrinyoki enkikenet enye aiken enkikapu.

⁹Naraposhu inkonyek aainei aing'orisho, naa ng'ura, inkituaak are naapuonu dukuya! Etii osiwuo inaipuko enye; neeta inaipuko naatiu anaa inaipuko emotonyi nanyaanyukie entilagos, nedumu aailepie ina kikapu metaa etii erishata enkop o keper.

¹⁰Ina pee ajoki ilo malaika laairorie nanu, “Kaji doi eyaita ina kikapu?”

¹¹Naajoki nanu, “Enkop e Shinar, aa teine epuo aashetaki ninye enkaji, naa ore pee eidip aitobira, nepik ina kikapu pee ebik teine.”