Read Maasai Bible – Biblia Sinyati 1 Ilmakabayo 8 Bible Online

1 Ilmakabayo 8 - Maasai Bible – Biblia Sinyati bible

1 Ilmakabayo 8

¹Nening apa ninye Yudas enkisisa oo Roma inchere keeta ninche enjore nagol. Neyiolo ninye ajo keitoomon ninche lelo pooki oyieu neshulare anaa ilchoreta naa ore lelo pooki oopuonu enetii ninche naa keaku ilchoreta le Roma.

²Netolikitio iltung'ana ninye ilo arrabal loo Roma oo iasat enye too Lgalatia o enkitoria enye naisimaki metalaa kodi.

³Netolikioki sii enataase te Spain pee eibung eneturunyeki enkosholai o saabu.

⁴Ore te nkarriyiano o eng'iriata neibung ninche ina kop pooki hoo nelakuaniki apa ninye Roma. Netimira apa ninche ilaiguanak pooki ooetuo too nkuapi naalakua aarare, netimira ninche te nkoitoi torrono oleng neaku ore lelo otajeutuo nelak kodi ilarin pooki.

⁵Etaarate ninche to larrabal nemir Filipo o Perseo olaiguanani le Makedonia o lelo pooki ootushulare te nkaraki Roma.

⁶Nemir sii ninye Antioko kitok olaiguanani le Asia, laa ninye apa otaarare Iroma too ltomia iip nabo o tikitam o ingarrin oo mbartan o lakedok loo mbartan o enjore nagol oleng.

⁷Ewaita ninche Antioko eishu, neisimaki ninye o laiguanak ootusujua ninye peyie elak kodi sapuk, neishooyo lelo ooena loo

⁸nkuapi e India, Midia o Lidia. Neya ninche nena kuapi neisho olaiguanani Eumene.

⁹Ore peyie ejo Lgirki maidakie ninche

¹⁰neyiolou Roma ina kipirta neiriwaa olkitok peyie earare ninche. Near Iroma Lgiriki kumok, neya nkituuak enye o inkera eyararoto, neidakie imasa enye, nemany enkop enye negil emanyata enye neitaa ninche irrindiki o taata.

¹¹Eidakie aashu eitaa irrindiki sii nena kulie kitoriat o enkop natoyio oo pooki tung'ani otaarare ninche.

¹²Kake eitasheyie ninche enchoruetisho o lelo shoreta lenye o lelo ooisiliga ninche peyie emitu. Eibung'a ninche ilaiguanank ootana oloolakua, ore pooki ootonig'o enkisisa enye neureishoyu.

¹³Neretu kulikai metaa ilaiguanak, neitayu kulikae, etaa ninche oogol too nkuapi pooki enkop.

¹⁴Ore hoo naa neijia etiu meetae obo otejo oilepie kewan aishop olmarisian aashu aishop olkila le nkitoo.

¹⁵Neitobir ninye enkiguana oo lpayiani, neaku ore pooki olong netumo ina kiguana oo lpayiani iip uni o tikitam aaimaki mbaa oo ltung'ana o sidano enye.

¹⁶Ore pooki ari neisho obo lenye esiaai e rikore o nkitoria e nkop pooki. Neanyit pooki ilo arikoni nemetii apa eng'uarata aashu olom te ninche.

¹⁷Negelu Yudas Upolemo enkerai e Yohana naa kuyiaa le Akosi o Yosani enkerai e Eleasari, neiriwaa Roma peyie eitobir olning'o le shoruetisho osotua o Roma.

¹⁸Etaasa neijia peyie epuku te nkitoria oo Lgiriki, amu etodua ninche Ilyahudi aajo etaa keaku irrindiki.

¹⁹Ore peyie ebaya Eupolemo o Yasoni Roma te nyamali sapuk e lakuani, nejing ninche ina kiguana oo lpayiani. Nejoki ina kiguana oo lpayiani,

²⁰“Yudas le Makabayo o lalashera lenyena o iltung'ana loo Lyahudi oirriutua iyiook peyie kintayu osotua o ntae, peyie eigerokini iyiook inchere ekira ilchoreta osotua o ntae.”

²¹Nenyorraa Iroma ilo kilikuai,

²²naa ena empalai naigeroki to suyai, neirriwari Yerusalem peyie eton teine anaa endamunoto o lning'o.

²³“Oi eaku mbaa sidan too Roma o too Lyahudi o te nkop natoyio o tenaiposha! Oi meitoki akata aata ilmang'ati, nemeitoki aapuo olarrabal!”

²⁴Kake teneibalunyeki olarrabal te nkaraki Roma aashu isotuaitin lenyena te nkop pooki,

²⁵naa kelotu enkop oo Lyahudi aretu ninye to ltau lenye pooki anaa enaikununo.

²⁶Ore lelo ootii olarrabal o ninche, meisho Ilyahudi ninche endaa, imasaa olarrabal, impisai aashu emeli anaa enajo olning'o le Roma. Inchoo enap Lyahudi ilo ola nemeelaakini toki.

²⁷“Naa neijia ake sii etiu, ore pee epuku olarrabal te nkaraki enkop oo Lyahudi, kepuonu Lgiriki aaretu ninche too ltauja lenye pooki anaa enaikununo.

²⁸Ore too lmang'ati lenye meishori endaa imasaa o larrabal, impisai aashu emeli, anaa olning'o te Roma. Inchoo enap Lgiriki ilo ola meetii emonkoi.”

²⁹“Kulo ilkigerot lo lning'o loo Lgiriki o iltung'ana loo Lyahudi.

³⁰Kake ore too inkolong'i napuonu, tenenyoraa nena shot pokira are aaponaa aashu eitayu kulie kigerot, ninche ine, pooki napon aashu eitayu naa kesipayu.”

³¹Ore sii te nkaraki nena torrok naaitaasita olaiguanani Demetrio Ilyahudi, kingerokito ninye inji, “ ‘Ainyoo peyie intorogonya ilchoreta o sotuaitin lang Ilyahudi oleng?

³²Teneitoki ninche aing'ung'uny te nkaraki intae, nikiretu iyiook ninche aarare intae too nkariaki o te nkop natoyio.’ ”