Read Maasai Bible – Biblia Sinyati 2 Ilmakabayo 14 Bible Online

2 Ilmakabayo 14 - Maasai Bible – Biblia Sinyati bible

2 Ilmakabayo 14

¹Ore etulusoitie ilarin okuni neyiolou Yudas o lewa lenyena ajo eshomo Tripolis Demetrius olayioni le Seluko o enjore nagol o meelin kumok.

²Etolimuoki sii ajo etara metua olaiguanani Antioko olarriponi Lisia neibung enkop enye.

³Eetae apa oltung'ani oji Alkimas laa olapolosani kitok apa ninye neibung'a apa ninye enkoitoi Olgiriki te rishata e ngolong'u. Ore pee eyiolou ajo meitoki aikata ninye aaku olapolosani kitok, neure sii inaidim aitaasa Ilyahudi ninye,

⁴nelo aduaare olaiguanani Demetrio to lari le 151. Ore tena rishata neishoo olaiguanani emaupe e saabu, tenebo mbenek oloirien naishori te nkaji Enkai to lkuaak kake eitu elimu ae toki naiprta inkitobirat enyena.

⁵Ore te siadi netum erishata naibalie inkitobirat enyena e modai pee eipot Demetrio entumo te nebo olautarok lenyena neikilikuan enayieu Iyhudi neas. Nejo Alkimas,

⁶“Edamu ilasujak le Yudas Makabayo ate ana ilasipak; kenyor ninche olarabal neitangor iltungana anaake pee egolongu nemeigua aikata ina kop metaseriana.

⁷Te nkaraki enyamali enye makewan pee meekure eeta enkitoo olapolosani kitok, ina naishaakino te inoto naa ina pee ayewuo ene,

⁸ore enedukuya nemaamenaa iyie olaiguanani, ore eniare amu kaduaki olng'ur iltung'ana lee nkop ai te nkaraki ilarrabali le modai le Yudas, neti enkop pooki atua enyamali.

⁹Kaomon iyie olaiguanani tujuru te ngeno nena baa pooki, nias enaishakino te karsisisho ino o nkolongi inono pee iwangie enkironya e nkop ang o ltungana lang.

¹⁰Ore ana enaishu Yudas naa kegol oleng pee eshipakino enkop ang osotua.”

¹¹Ore pee eidip airoro kulo rorei, ore ilchoreta lo laiguanani oiba Yudas neitagor Demetrio

¹²negelu Nikanor te siokinoto ola ninye apa oitasheiki enjore oltome neitaa olgafanai le Yudea neirriwa ninye

¹³neitanap pee ear metua Yudas, neidapsh iltungana osujita neita Alkimas olapolosani kitok e nkajik Enkai kitok te nkop pooki.

¹⁴Ore ilomon pooki te Yudea oisika apa te nkaraki erasakinoto e Yudas neipiri aku te nebo o enjore e Nikanor, amu kedamu ninche ajo ore emirata pooki aashu enyamali nanoto Ilyhudi naa keeku esidano enye.

¹⁵Nening Ilyahudi ajo egira Nikanori alotu o lelo tungana lo nkuapi otaa tenebo, nepika nkulupuok ilukuny enye, neomon Enkai enye natagelua olosho lenye metaa emalii enye ntarasi neisho emirishoi iltungana lenyena eitodolu keon enye te ninche.

¹⁶Ore te nkitanapata olarikoni lenye nepuku nabo kata agilunore ormangatinta te mbata e nkanasa e Adasa.

¹⁷Ore Simion olalashe le Yudas negilunore Nikanor kake eidimuaki ninye tonkitoi ormangatinta nemeyioloi.

¹⁸Ore pee ening Nikanor Yudas oltungana lenyena egira amitu enkop enye te mpijan oltau nemut apal olarrabal neishu enyamali pooki tiaeoitoi.

¹⁹Neirriwa Posidonias o Teodoto o Matatia meshomo aitobiru olningo Olyhudi.

²⁰Ore pee eidipayu olningo neliki Nikanor enjore nye o sikarini nenyorikino pooki.

²¹Neitengeli enkolng natumo ilarikok openy. Neyauni ilorikan le nkanyit tolngobor ake pooki.

²²Nepik Yudas isikarini oata inareta iwuejitin neishakino pee melotu ake ormang'atinta ass entorroni. Kake enotote lelo arikok oaare neiro aitobiraki.

²³Nebik aton ninye Nikanor te Yerusalem neitu eas aetoki, kake eitu eshilaa iltungana oitururote.

²⁴Ore iladuo lewa oaare neeku ilchoreta neiriamari tenebo Yudas o Nikanor.

²⁵Neitukuj Nikanor Yudas pee eyamisho netum inkera. Neyamisho Yudas nebik te nkishui e mboron o eseriani.

²⁶Ore pee eyiolou Alkimas ajo etisidana shoruetisho e Yudas o Nikanor neitayu empalai naigerore olningo, nelotoki olaiguanani Demetrio. Nejoki olaiguanani mme asipani Nikanor te nkitoria ino amu eitujungo Yudas.

²⁷Neitagor olaiguanani ina kitangoroto nemesipa. Neigeroki olaiguanani te ngoro Nikanor nejoki eitu aitiship olningo linyi neitanap pee eeni Yudas Makabayo te Antiok.

²⁸Ore pee ebaiki ele kilikuai Nikanor nenyamalu nalau enass amu imenyur atigila olningo olee otonyorrayie aibung enkisiligata enye.

²⁹Negol sii te neany eas ana enaitanapishe olaiguanani neiteru aingoru enaiko pee eibung Yudas

³⁰Neyiolou Yudas ajo eta Nikanor arruoni tialo ninye neyiolou ajo olmonokie torono ele. Neiturur iltungana lenyena kumok nelo aisudori.

³¹Ore pee eyiolou Nikanor ajo aingen Yudas alangu ninye, nelo enkaji Enkai kitok naa sinyati inakata egira ilapolosak aitayu ilasari, neitanapisho pee erikokini ninye Yudas.

³²Kake nejo ilapolosak kituak tolmumai mmeyiolo ninche eneti Yudas oingoruni,

³³Neilepie Nikanor enkaina enye e tatene aingorie enkaji e Nkai nejo, “tenimitayuyu Yudas nikintarasakiki ana oloyena naa kainyal nanu nagilgil ena aji e Nkai, nainyal ele perere lo lasaari nashet tenwueji enkaji sinyati e Dionisio.”

³⁴Neipang, ore pee elo nedumu inkaik enye ilapolosak aingorie Keper neomon Enkai, Olaripooni oisiligayu le nkop ang:

³⁵“Olaitoriani meetai aetoki niyieu iyie, kintishipa iyie pee etii enkaji ino ene nibik tenebo oyiok.

³⁶Iyie ake osinyati, neitisinyaki enkaji ino, toripo esinyatisho enye ntarasi.”

³⁷Eetae apa olarikoni te Yerusalem oji Rasi, oitangoroki Nikanor. Etareto apa Rasi iltungana lenyena to nkoitoi kumok neyanyit iltungana omeipoto ajo, “Papai Ilyhudi.”

³⁸Ore to nkolongi e dukuya olarabal le nkibelekeny neitayio enkishui enye te nkaraki olkuaak lo Lyhudi neitangori te nkaraki anaa enaitayio kewan

³⁹Neitodulu Nikanor ajo keiba Ilyhudi oleng neiriwa isikarini iip imiet meibunga Rasi,

⁴⁰amu etadamua ninye ajo teneibung Rasi na keaku enkitamioto sapuk to Lyhudi.

⁴¹Negil isikarini kishomi neretena pee eibung oltalet neitanapisho meyauni enkima nepeji nkishomin. Nemaniki Rasi etamana ilmangati netema arr kewan metua

⁴²negelu aye te nkanyit alang olosilisili to nkaik oltungana arruok.

⁴³Ore te siokinoto neitu eitame kewan Rasi to lalem lenye neitu eye ninye. Ore egira isikarini ajingu te nkumoi neipiri Rasi neid esuntai nedoiki eumata oltungana otii boo

⁴⁴neigut enaduoo umata oo ltung'ana netum Rasi enedoiki.

⁴⁵Ore eton eishu nedumunye Rasi te ngoro o te mpijan neruko osarge te nkaraki orbaye onoto ninye, nekuet enetii ina umata oo ltung'ana neked endapidapoi sapuk neitashe.

⁴⁶Ore eishunye osarge to sesen lenye nepolol imonyit enyena too nkaik enyena nenang'aki ina umata oo ltung'ana. Ore pee eas ina neomon Olaitoriani oishooyo enkishui o nkiyang'et pee errinyoki ninye. Neijia eikununo Keeya e Rasi.