Read Maasai Bible – Biblia Sinyati 2 Ilmakabayo 15 Bible Online

2 Ilmakabayo 15 - Maasai Bible – Biblia Sinyati bible

2 Ilmakabayo 15

¹Ore pee ening Nikanor ajo eti Yudas oltungana lenyena Samaria nerretena arasaki te nkolong e Sabato inakata egira ayengiyenga.

²Ore Ilyhudi ootarakaki metusuja enjore enye olarabal, neomon ninye pee meas antaboi e ntoroni natiu neijia, kake meyanyita ina olong nayanyita Enkai nadol pooki neitisiny aitulus inkolongi kulie pooki.

³Neikilikuanu oltolut oji Nikanor tena ketae olaitoriani te Keper oitanapa ninche meyanyita enkolong e Sabato.

⁴Newaliki Iyhudi, “Ee ketii; Olaitoriani oishiu, oitore Keper, oitanapa iyiook mayanyita Sabato.”

⁵Kake newal Nikanor, “Nanu oitoreisho te nkop, naitanap intae embunga inareta inyi niasiasa enaitanap intae olaiguanani.” Kake eitu ninye eidim atasa enkarueisho natejo ninye ass.

⁶Neuwasa Nikanor te ntoroni enye nejo keshet ninye oltalet le mirishoi enye tialo Yudas.

⁷Kake keeta ipa Yudas enkirukoto ajo ketum eretoto to Laitoriani.

⁸Neitanap iltungana lenyena pee meuruyu olmangatinta. Neitagolo Yudas, neitadamu iltungana enaikuna Enkai naata engolon pee etareto to nkolongi esiadi, neitisipaki ajo keidim sii Enkai ataretu tena rishata.

⁹Neitagol iltuaja lenye to nkitanapat o nkitengenat o loibonok neitadamu ilarrabali kumok oisulie.

¹⁰Ore eteretenate ilewa leyena to larrabal, neitanap ninche eitodol iltungana lemeisiligayu lo nkuapi iltungana lemeisiligayu amu eitu eibung olningo lenye.

¹¹Neitanap pee eaku magil mme pee eisilig ilongoi o mperria kake eirorei aitagol iltauja lenye. Neitoki sii aitukuj einosaki enkatini e nduata nanoto naidim aisiliga.

¹²Ore enduata natodua naa: Onia ola olapolosani kitok, oltungani le tipat naa supat oata olkuaak sidai neiro te mboron neitengenaki te kitisho enye pooki naiprta orkuat oisul neomonoki Iyahudi pooki.

¹³Nedol Yudas iltungani oata irpapit oibor neeta enkanyit o enkito sapuk.

¹⁴Nejo Onia, “Olee ele onyor ilalashera neomonoki iltungana o enkanasa sinyati Yeremia osinka le Nkai.”

¹⁵Neitorio Yeremia enkaina enye e tatene neisho Yudas olalem le saabu nejo:

¹⁶“Tangamu ele alem sinyati, enkishooroto naingua Enkai, ola ninye indaikie ilmangati linono.”

¹⁷Neitukuj irorei sidain oiroro Yudas nepiju iltungana pooki nepushu ilbarnot to larrabal. Eti apa batisho olkuaak lenye o enkanasa enye o enkaji e nkomono nemut Ilyhudi pee meitura erishata nerasaki ormangantinta nerare to larabal.

¹⁸Eitu eitoki ninche anyamaliki ilmareita lenye kake etanyamlikitia ninche enkaji sinyati e Nkai.

¹⁹Neiput enkuretisho lelo pooki otelekutua te nkanasa edolita olarrabal.

²⁰Etotona pooki ngae aingor ajo aingai oisulu to larrabal. Neigutaki Isikarini lo rmangatinta te nebo olakedok lo mbartan te tatene o kedianye ore iltomia lo larrabal netipikaki ewueji e tipat.

²¹Neingor Yudas Makabayo ina jore kitok ormangati o larabal o nareta enye o mpukunot kumok o ltomia lenye lo larrabal oopi. Nedum inkaik enyena aipirie Keper, neomon Olaitoriani oas imba enkingasia, amu etayiolo ninye ajo keisho Olaitoriani emirishoi lelo oishiakino mme lelo oat enjore o sikarini oata engolon.

²²Neomon Enkai nejo: “Ore apa olaiguanani lo Lyahudi, nirriwua olmalaika lino near metuata iltungana ikalifuni ipp o ntomoni siet o mmiet le njore kitok o sikarini le Senakeribu.

²³Ore naa tenakata Olaitoriani le keper irriu olmalaika sidai meigusugusie neigirigirie te nkuretisho ilmangati lang.

²⁴Indaikie te ngolon ino kitok, tumuta kulo tungana otamoro enkarna ino neyetuo arasaki olosho lino ogeluno,” Te kulo rorei eidipa enkomono Yudas

²⁵Neigutaki Nikanor o ltungana lenyena eeta e mowuo nerany isinkolioitin lolarrabal;

²⁶netumore Yudas o lewa lenyena ormangatinta to larrabal neomon Enkai metareto.

²⁷Neomon Enkai to ltauja lenye nejing olarabal to nkaik enye, near metuata iltungana inkalifuni tomon uni o mmiet. Neshipakino eretoto nanoto te Nkai.

²⁸Ore pee eluso olarabal inakata egira ashukunye ang eshipakino emirishoi enye nedol Nikanor te wuas olaraba etua neishopito inareta enyena pooki.

²⁹Nebuaku aisis Olaitoriani nemayian Olaitoriani kitok to nkutukie o lo papa lenye.

³⁰Ore Yudas Makabayo otinjinga olarabal to sesen lenye pooki o toltau lenye pooki te nkaraki Ilyhudi, neitu eitura enkariyiano enye e kitisho enye neitanap iltungana lenyena metudugu elukunya e Nikanor o enkaina nedumu aya Yerusalem.

³¹Ore pee ebau enkanasa e Yerusalem, neiturur Juda iltungana pooki, neitashe ilapolosak to lperere lo lasar neipotuni iltungana pooki otana.

³²Neitodol elukunya eilo asakutoni oji Nikanor o enkaina eilo arruoni ina aina naitoroyie agilunore enkaji e Nkai.

³³Neitoki adungu orngejep neitotiyie imotonyi neisiong elukunya enye te boo enkaji e Nkai naitadedeyie enaitasa emodai ninye.

³⁴Neingor pooki ngae Keper neisis Olaitoriani oibalunye enkidimata enye nerrip enkaji enye pee meisarkioni.

³⁵Neilili Yudas elukunya e Nikanor te suntai pee eitadedeyie eretoto Olaitoriani.

³⁶Neosh enkukuo pooki pee merikinoi ake ena olong kake pee eshipakinoi tolarini pooki ina olong nangasunye tene Modekai naa enkolong e tomon okuni o lapa le tomon are oji Adar te Kiaramu.

³⁷Nejia eikunakinote imbaa Nikanor. Ore eiteru teina olong enkanasa e Yerusalem netaa enolosho lo Lyahudi;

³⁸tenelimuno te sidai, naa ina duo nanu anguar; kake tenelimuno te nkoitoi nemeishia, ina nanu aidim atasa.

³⁹Kiyiolo ajo mmesidai tenikiok enkare o enaisho ake, ore enkare nashula o enkare neitobiru eokoto sidai namelok. Neijia ake etiu enkatini natisiraki aitobiraki, keitiship olaisumani. Kulo rorei obayie.