Read Maasai Bible – Biblia Sinyati 2 Ilmakabayo 9 Bible Online

2 Ilmakabayo 9 - Maasai Bible – Biblia Sinyati bible

2 Ilmakabayo 9

¹Ore teina rishata negira Antioko arrinyunye eing'ua Pasia

²ine netijing'ie enkanasa e Persepoli netetema apur enkajia e Nkai neitore ina anasa. Nedumu olorere inareta aarare Antioko, nerrinyo enjore enye olarabal te nkuruna.

³Ore pee ebaya Ekbatana, nelikini enataase te njore e Nikanor o Timoteo.

⁴Ore pee ening negoro nemut ajo pee elak Ilyahudi embatatata nanoto ninye. Neitanap ilarewek lenyena loo ngarin o larrabal pee meitashe ometabaiki Yerusalem. Nejo te ntorroni, “Kaitaa Yerusalem ewueji o nkuraren oo Lyhudi.”

⁵Ore pee eidip airoro kulo rorei, neitame Olaitoriani odol pooki te nkitamioto nemelio. Neibung emion sapuk enkoshoke enye

⁶neaku enkitamioto nanarikino amu eitamio ninye iltung'ana kumok.

⁷Kake eitu eaku ena enkoitoi naishu olwuasa lenye. Neitoki aaku arruoni oleng, neitanap olarewani lenye mekueta oleng. Ore ekuetita ngarin o larrabal, nesulunye Antioko nebatata netiru irubat pooki o sesen.

⁸Ore olwuasa lenye nelenj ajo keeta engolon o nkidimata natingirie enaiposha, neipim enkadori oldoinyio, ore te nkiti reshata nesulari abatata te nkop aibaile enkidimata e Nkai.

⁹Neiput ilkuru osesen lenye eton eishu, netum emion sapuk oleng neiteru ang'uoyu. Neiteru nkiri enyena aang'uoyu. Neing'usilu omeitamuoyia isikarini lenyena le njore.

¹⁰Eitu ninye etumi oltung'ani obo oidima atinyikaki ninye. Ore te rishata dorop oleng, nejo ninye keidim aibunga ilakir lo loing'ang'e kake eitu eidimayu.

¹¹Enoto apa Antioko osomit sapuk o emion te nkaraki enkitamioto nayawua Enkai shumata ninye nerrinyokino keon enye nepal olwuasa lenye.

¹²Ore meekure eidim ating'iriakinoyu eng'uan enye nejo, “Keishaakino oltungani pooki pee eitadoyio kewan tiabori Enkai; nimitem aikata arisiore Enkai.”

¹³Ore te siadi neisiligie Enkai ele tung'ani arruoni,

¹⁴“Atetema nanu aidaikie Yerusalem naitaa ewueji o nkuraren o Lyahudi, nejo kake ore tenakata naa enkanasa nalakuno.

¹⁵Ore Lyahudi leitu eshilaa ninye ajo kenukari kake etrretene pee enang'aki iseseni lenhye o loo nkera enye ing'uesi e ntim o motonyi oloing'ange meinosa, amu eitu edol ajo keishaakino pee enukaa to nkuraren. Kake kelo ninye aisho ninche metobiko eishu anaa iltungana le Aten eshipa.

¹⁶Etupurro te rishata naje enkaji e Nkai neya masaa naaitisinyaki, kake kalo too nkishoorot o masaa sidain alang ine dukuya naa kalak to mali aainei.

¹⁷Ore te kuna pooki naa kaaku nanu Olyhudi nalo pooki wueji nemanya iltungana alikio engolon Enkai.”

¹⁸Ore pee eponari emion e Antioko amu etii enkiguana e Nkai shumata ninye, neiting osiligi neigeroki Ilyahudi ena palai te nkoitoi e nkomono.

¹⁹“Nanu olaiguanani Antioko oigeroki Ilyahudi iltung'ana laainei ooishiaa, airriwaki ntae enkirorokino nayieuwaki ntae esidano o biotisho o dupoto.

²⁰“Kaisilig ajo ore ntae o lmareita linyi niatata biotisho neitobirari imbaa pooki te sidai te ntae. Ore osiligi lai naa Enkai,

²¹naa kadamu olngur o enkanyit nikintoduaa nanu. “Ore ashuko ang aing'uaa Pasia namuoyu oleng nadamu pee aisho intae enashe.

²²Eitu aaiting osiligi le nkishiunoto; kayiolo aitisip ajo kaishiu.

²³Kadamu sii ajo ore apa papai lai naa keitujung'isho tenelo olarrabal te Frati.

²⁴Eitujungisho apa ninye paa tenolo ake neasayu imbaa nemeiteikini, aashu etumi iratiot torrok nemekuretu enjore enye amu keyiolo ajo keetae oltung'ani oitanapaki meitasheiki enkitoria.

²⁵Kayiolo sii ilaitoriak lo nkuapi naamanita enkitoria ai oogira aareshu keeya ai nerreshu nena napuo atum nanu naa ina pee ategelua olayioni lai Antioko metaa olaiguanani te rishata ai. Ore too rishat kumok natung'ueikia ninye meing'ura ntae enkata nashomoyie nkanas e o loosaen e Frati. (Neeta sii ninye ena palai).

²⁶“Kaomon intae pee imbung'ubung'u imbaa pooki nataasa tele osho nikiyiewuakiki eseriani te nebo o layioni lai.

²⁷Kayiolo aitisip ajo keramat ntae te sidai to lngur anaa enataasa nanu oshiaake.”

²⁸Ore ele arani otamoro Enkai netum emion sapuk oleng, neye keeya torrono t oldoinyo lo nkuapi eeikinga.

²⁹Neya olchore lenye obo oji filipo osesen lenye ang, kake ore amu keure apa ninye olayioni le Antioko nelo Misiri eneti olaiguanani Tolemai Filometo.