Read Maasai Bible – Biblia Sinyati Luka 11 Bible Online

Luka 11 - Maasai Bible – Biblia Sinyati bible

Luka 11

¹Neaku ore eomonito Yesu te dikae wueji, ore pee eidip, nejoki obo loo lkipaareta lenyena, “Olaitoriani, inteng'ena iyiook enkomono anaa enaiteng'ena Yohana lkipaareta lenyena.”

²Nejoki Yesu, “Ti niomonono entejo: Papa meitisinyi enkarna ino, meeu enkitoria ino.

³Inchoo iyiook anaa ake endaa nabaiki iyiook.

⁴Nipalaki iyiook ing'ok ang, anaa pee kipalaki sii iyiook ilooinyal iyiook. Nimirik iyiook atua ntemat.”

⁵Nejoki Yesu ninche, “Kalo linyi oata olchore laa te nelo ainyeyie eitorite enkewarie, ajoki, ‘Olchore, isilenokoki mukateni uni;

⁶amu eewuo olchore lai eing'uaa nkang'itie nemaata entoki naisho.’

⁷Kejoki ilo otii aji, ‘Mikintanyamal, amu eikeno kutuk aji, neirurate nkera, kirurate pooki. Meekure aidim ainyo pee aaisho?’

⁸Ajoki ntae, te nemeisho duoo te nkaraki naa olchore lenye, kake ore te nkaraki naitirrishaka olikae, keinyototo ake aisho naaba anaa naayieu.

⁹Najoki naa ntae, entoomonu pee eishori ntae, eng'oru pee itumutumu; entooshiosh kutuk aji pee eboluni ntae.

¹⁰Amu ore pooki oomonu netum; ore oloing'oru netum; ore olooshiosh kutuk aji neboluni.

¹¹“Kalo te ntae oisho enkerai enye osoit etoomonuo emukate? Aashu te neomonu osinkirri, neisho olasurai?

¹²Aashu te neomonu olmosori, neisho enkulupa?

¹³Asa taa doi iyiololo ntae iltung'ana torrok, aaishoo nkera inyi ntokitin sidain, kebaa na eitulus Papa linyi otii keper aisho Enkiyang'et Sinyati lelo oomon ninye?”

¹⁴Neera Yesu oloirirua lemeiro. Neaku ore pee epuku ilo oirirua lemeiro, neiro ilo tung'ani apa oonyo kutuk, neing'asia olorere.

¹⁵Kake etejo kulikae lenye, “Beelsebul, olkitok loo loiriruani oishoo engolon naararie loiriruani.”

¹⁶Netem sii kulikae eing'oru osapiipiyiet oing'uaa keper.

¹⁷Kake ore pee eirrash Yesu ndamunot enye, nejoki, “Ore enkitoria ake ninye pooki naoro aara oopeny neidaaya, ore enkaji naara openy neurori.

¹⁸Kaji eiko enkitoria e Sheitani te neoro aara makewan, keitoki enkitoria enye auno? Amu ijojo naa te ngolon e Beelsebul aaraa loiriruani?

¹⁹Naa amaa te naa keng'olon e Beelsebul aararie nanu loiriruani, keng'olon e ng'ae doi eararie ninche nkera inyi loiriruani? Ninche naa ooyooki aaiguanare ntae.

²⁰Kake te naa ai to lkimojino le Nkai aaraa loiriruani, enkitoria e Nkai naewuo atua ntae.

²¹Ore te nerrip oltung'ani ogol otanape enkaji enye, neserian imasaa enyena pooki.

²²Kake te nerasaki ologol alang ninye nemir, neoru masaa o larrabal duoo naawuasare, nelo aor iyarunot naatarua.

²³“Ore pooki leme ole nkalo ai, nanu ekesh, ore ole maaret asotu, naa keisardaikie.

²⁴“Ore te neidur oloirirua oiduruk to ltung'ani nelo aimaa iwuejitin nemetii enkare, eing'oru eneyeng'iyeng'are; ore pee elau, nejo, ‘Kashukokino enkaji ai apa natung'uayie.’

²⁵Ore pee ebau, neinepu etooroki neikodi,

²⁶neito ninye alo aipot kulikae oiriruani oopishana torrok aalang ninye, meetu aamany ine; nerruoyo empukunoto e ilo tung'ani alang enatiu apa te dukuya.”

²⁷Ore pee ejo Yesu nejia, nebuaku enkitok nabo tiatua olorora nejoki, “Emayiana sii ake enkoshoke nikitoiwuo o lki likintanaaki.”

²⁸Newaliki Yesu ajoki, “Ee paa emayiana aaisul, ilooning ele rorei le Nkai neibung.”

²⁹Ore pee eiturrurrokino esiamo Yesu neiteru ajoki, “Arruok sii ake ltung'ana lena kata, embae eing'oru; kake meetae naa embae enking'asia naishori neme ene Yona.

³⁰Amu ore anaa enataa Yona embae enking'asia too ltung'ana le Ninawi, nejia sii etiu Enkerai e Tung'ani too ltung'ana le na kata.

³¹Keyooki enkaiguanani e kopikop adumunye te nkiguana oo ltung'ana lena ishoi nedung'oki ninche enkiguana, amu eewuo ninye too neeiting'ie enkop elotu ainining eng'eno e Solomon, naa ketii ene olkitok olang Solomon.

³²Keyooki ltung'ana le Ninawi aaitasheiki neitang'or ltung'ana le na ishoi, te nkolong e nkiguana, nedung'oki enkiguana, amu eirridutua ninche etolikio Yona ororei le Nkai, naa ketii taa ene olkitok olang Yona.

³³“Meetae oltung'ani oinok oltaa nepik orunku aashu epising to ltoo, kake kepik eneiperere pee eitawang'aki iloojing'u.

³⁴Etiu nkonyek inono anaa oltaa lo sesen lino, naa te naa biyot nkonyek inono, newang osesen lino pooki; kake ore pee kira torrok nkonyek nerip enaimin osesen lino pooki.

³⁵Toduaa naa pee miaku ewang'an niata enaimin.

³⁶Amu te nebore osesen lino pooki ewang'an, nemeeta enemisimis, newang'u pooki wueji, atiu anaa te nikilang oltaa owang.”

³⁷Ore eirorita Yesu, neipot Olfarisayoi obo meshomo anya endaa te nkaji enye, nelo, neton anya endaa.

³⁸Neing'asia ilo Farisayoi pee edol ajo eitu eng'as aisuj inkaik eitu enya endaa.

³⁹Kake etiaaka Olaitoriani ilo Farisayoi, “Intukuku ntae Ilfarisayo oriong enkikompe o esaani, kake ore atua ntae nebore enkowuarisho o enkarruoisho.

⁴⁰Lo moda! Aime ele obo oitobira oriong o atua?

⁴¹Kake enchoru to lng'ur nena tokitin naatii atua, naa kesinyayu pooki toki te ntae.

⁴²“Ee kake aiyia intae lo Farisayo! Amu inchoruru ematua e tomon oo ntasimi oo mbenek pooki nipalaa enkiguana oo sipat o enyorrata e Nkai, naa keishiaakino nitaasa nimipalaa nena kulie.

⁴³Ee kake aiyia ntae Ilfarisayo! Amu inyorrinyorro ilorikan sidain too nkajijik e ntumo, ninyorrinyorro lng'asak too wuejitin neemirishoreki.

⁴⁴Ee kake aiyia ntae! Amu itiuu anaa nkuraren nemelioo, naaitunyoo ltung'ana meyiolo.”

⁴⁵Newaliki obo loo laiteng'enak loo nkitanapat ajoki, “Olaiteng'enani, te nijo nji, iyiook sii iyiataa.”

⁴⁶Nejoki, “Ee kake ayia sii ntae ilang'eni loo nkitanapat! Amu intanapinapa ilkulikae ilolan ooiroishi lemenapayu, ore ntae maate nimiseyieyie too lkimojik linyi.

⁴⁷Ee kake ayia! Amu ishetishete nkuraren oo iloibonok le Nkai laa loo papaai linyi ootaara metuata.

⁴⁸Metaa, itaa shakeni, nitonyorraitie nkiasin oo loo minyi, amu ninche ootaara metuata, nishetakiki ntae nkuraren.

⁴⁹“Ore te nkaraki ina, etejo eng'eno e Nkai, ‘Kairriwaki ninche iloibonok o lkipaareta, near kulikae metuata, nearaa kulikae’,

⁵⁰paa ore ilo sarge loo loibonok le Nkai, oibukoyioki ebaiki apa pee eitamanyuni enkop, neitalakuni ltung'ana le na ishoi;

⁵¹ebaiki osarge le Abel o metabaiki osarge le Sakaria, oitanang'aki erishata olperere lo lasar o ewueji sinyati, ee ajoki intae keitalakuni too ltung'ana lena ishoi.

⁵²“Ee kake aiyia lang'eni loo nkitanapat! Amu iwaita embolet najing'ieki ewueji e ng'eno; neitu ijing'ijing'i ntae maate nirishieshie lelo oojing'ita.

⁵³“Ore eing'uaa Yesu ine, neiteru lasirak o Lfarisayo aaitirrishaki oleng, nerrumoki meimaki imbaa kumok

⁵⁴erreshu enaitang'orie te nena naajo ninye.”