Read Maasai Bible – Biblia Sinyati Luka 3 Bible Online

Luka 3 - Maasai Bible – Biblia Sinyati bible

Luka 3

¹Ore to lari le tomon o miet le nkitoria o laiguanani kitok oji Tiberia Kaisaria, aa Pontio Pilato olgafanai le Yudea, naa Herode olkitok le Galilaya, naa Filipo olalashe lenye olkitok le Iturea o Trikoniti, naa Lisenias olkitok le Abilene,

²naa Annas o Kaiafas ilapolosak kituaak. Nebaiki ororei le Nkai Yohana olayioni le Sakaria ti ong'ata.

³Nelo ina kop pooki oo mbat o lkeju le Yordan elikioo enkibatisa nayau enkirridunoto neyau empalakinoto oo ng'ok,

⁴anaa enaigero te mbuku e Isaya oloiboni le Nkai ajo, “Oltoilo lo lobuakita ti ong'ata, entobiraki Olaitoriani enkoitoi, entorioi irrekiei lenyena.

⁵Nenuki nong'ot pooki, ore pooki doinyo o lkiushin neitodorropi; ore ineekordilo nererei, ore nkoitoi naasur neisiashayieki;

⁶pee etum iltung'ana pooki enjeunoto e Nkai.”

⁷Nejoki Yohana ilo orere ooetuo enetii ninye meibatisa, “Na ishoi oo lasuriaa! Ae ng'ae naikoo intae eng'atai engoro nalotu?

⁸Entadedeyie naa enkirridunoto inyi too lng'anayio lenyena; nimintokiki ake ajo, ‘Kiata Abraham aa papa lang.’ Ajoki intae, keidim Enkai aitobiraki Abraham nkera te kulo soito.

⁹Eidipaki taata aaiteleiki entolu ntonat oo lkeek; ore olchani ake pooki lemeiu lng'anayio sidain nedung'i aauroo nenang'akini enkima.”

¹⁰Neikilikuan lelo tung'ana Yohana aajoki, “Kaa naa kiaas?”

¹¹Newaliki ajoki, “Ore oloata nkilani are, inchoo eisho nabo ilo lemeeta, ore oloata endaa neng'arie olemeeta.”

¹²Nepuonu sii ninche ilasotok le kodi meibatisai, neikilikuan aajoki, “Lo aiteng'enani, kaa kiaas iyiook?”

¹³Nejoki ninche, “Emintulus aitalak ltung'ana alang ina naitanapaki intae.”

¹⁴Neikilikuan sii ninche sikarini aajoki, “Oo iyiook, kaa kiaas?” Nejoki ninche, “Emisim oltung'ani anaa inteenikiki elejare, ninchosho sii ebaiki intae olekoisiayio linyi.”

¹⁵Ore elimana ltung'ana eanyita enaasayu, neitiko ltauja le pooki te nkaraki Yohana, emusumusu aajo ebaiki naa Kristo ninye, ana mme ninye.

¹⁶Newaliki Yohana ninche pooki ajoki, “Esipa aibatisa nanu intae te nkare, kake kelotu ologol te nanu lemeishiaakino nalak inkeenta oo namuka enyena. Ilo oibatisa intae te Nkiyang'et Sinyati o te nkima.

¹⁷Neibung'ita ninye esilet enye te nkaina pee eor asip katukul olkurroto lenye oidong'ishoreki, nesotoki enkano olkompe; kake ore suut, nepej te nkima nemearayu ntarasi.”

¹⁸Ore te kulie oitoi kumok nereiki Yohana aikok olorere eliki lomon supati.

¹⁹Kake ore Herode ilo balusui pee eisikong ninye Yohana te nkaraki nayama Herodias enkitok o lalashe lenye, o sii te nkaraki kulie bususi naataasa,

²⁰neponiki Herode ena nena pooki neikenoo Yohana te jila.

²¹Ore eibatisaki iltung'ana pooki neidipaki aaibatisa sii ninye Yesu, eomonito Enkai nebolo keper,

²²nedou Enkiyang'et Sinyati etiu anaa enturkuluo adoiki Yesu. Nelotu oltoilo oing'uaa keper ojo, “Ira iyie Oinoti lai lanyor, kaashipakino iyie.”

²³Ore pee eiteru Yesu enkisiaayiare enye naa oloo larin oobaya tomoni uni. Ore ninye anaa enajo iltung'ana naa olayioni le Yosef, olayioni le Heli,

²⁴olayioni le Matat, olayioni le Lawi, olayioni le Melki, olayioni le Yanai, olayioni le Yosef,

²⁵olayioni le Matatias, olayioni le Amos, olayioni le Nahum, olayioni le Elsi, olayioni le Nagai,

²⁶olayioni le Maat, olayioni le Matatias, olayioni le Semein, olayioni le Yosek, olayioni le Yuda,

²⁷olayioni le Yonan, olayioni le Resa, olayioni le Serubabel, olayioni le Shealtiel, olayioni le Neri,

²⁸olayioni le Melki, olayioni le Adi, olayioni le Kosam, olayioni le Elmadam, olayioni le Er,

²⁹olayioni le Yoshua, olayioni le Eliesa, olayioni le Yorim, olayioni le Matar, olayioni le Lawi,

³⁰olayioni le Simeon, olayioni le Yuda, olayioni le Yosef, olayioni le Yonam, olayioni le Eliakim,

³¹olayioni le Melea, olayioni le Mena, olayioni le Matata, olayioni le Natan, olayioni le Daudi,

³²olayioni le Yese olayioni le Obed, olayioni le Boas, olayioni le Sala, olayioni le Nashon,

³³olayioni le Aminadab, olayioni le Admin, olayioni le Arni, olayioni le Hesron, olayioni le Peres, olayioni le Yuda,

³⁴olayioni le Yakobo, olayioni le Isaak, olayioni le Abraham, olayioni le Tera, olayioni le Nahor, olayioni le Serug,

³⁵olayioni le Reu, olayioni le Peleg, olayioni le Eber, olayioni le Shela,

³⁶olayioni le Kainan, olayioni le Alfasad, olayioni le Shem, olayioni le Noa, olayioni le Lamek,

³⁷olayioni le Metusela, olayioni le Enok, olayioni le Yared, olayioni le Mahalalel, olayioni le Kainan,

³⁸olayioni le Enos, olayioni le Seti, olayioni le Adam, olayioni le Nkai.