Read Maasai Bible – Biblia Sinyati Enkigilata oo Nkitanapat 15 Bible Online

Enkigilata oo Nkitanapat 15 - Maasai Bible – Biblia Sinyati bible

Enkigilata oo Nkitanapat 15

¹“Ore te nkiting'oto ake ninye e pooki ari liopishana nipalakinono isilen.

²Naa nji eikununo ina palakinoto; ore pooki tung'ani oisilenishe nepalaa ina naisilenoko ole latia enye; meitalaku ninye to le latia enye, o to lalashe lenye, te nkaraki naibalunyeki empalakinoto o Laitoriani.

³Ore ilo leeiking'a indim iyie aitalaa; kake ore entoki ino naba anaa enaisilenoyie olalashe lino tapalaki.

⁴Kake mepuoi aata oltung'ani aisinani tiatua intae amu kelo Olaitoriani amayian intae teinakop naisho intae Olaitoriani Enkai inyi pee iyaya neaku enjung'ore inyi.

⁵Tenining'ining'i ake duoo intae oltoilo lo Laitoriani Enkai inyi, ning'oring'oro pee iasiasa ena kitanapata pooki naitanapa nanu intae ena olong.

⁶Amu kelo Olaitoriani Enkai inyi amayian intae anaa enaisiligie intae, naa ipuopuo intae aaisilenoki iloshon kake misilenunu intae; naa ipuopuo aaitore iloshon kumok, kake meitore ninche intae.

⁷“Tenetii atua intae oltung'ani aisinani, obo loo lalashera linyi, atua ake ninye nabo oo nkang'itie inyi tiatua ina kop inyi naisho intae Olaitoriani Enkai inyi, milo iyie aitagol oltau lino aashu inunuk enkaina ino tialo ilo alashe lino aisinani.

⁸Kake talaa enkaina ino tialo ninye, nisilenoki ninye enaidip enkolat enye, te mpukunoto enye ake ninye pooki.

⁹Toduaa kewan mejing ake endamunoto e pesho oltau lino, nilo ajo, ‘Ore olari liopishana, olari le mpalakino netinyikua,’ neing'ode enkong'u ino ilo alashe lino aisinani, nimincho iyie ninye toki, neishiraki ninye Olaitoriani te nkaraki iyie, naa keaku eng'oki te iyie.

¹⁰Nchoo ninye pesho nimincho oltau lino enyamalu te nincho iyie ninye, amu ore te nkaraki ena eikimayian iyie Olaitoriani Enkai ino te siaai ino pooki o teina pooki nias.

¹¹Amu ore oltung'ani aisinani melai aekata te nkop; neaku aaitanapa iyie talaa enkaina ino to lalashe lino, teilo oata enkolat o teilo aisinani otii enkop inyi.

¹²“Tenikimirakini olalashe lino, loo Lbrania, olee ashu enkitok oo Lbrania, nchoo kisiai ninye iyie ilarin ile, ore to lari liopishana, nchoo ninye meshomo.

¹³Naa tenincho ninye meshomo mincho ninye meshomo too nkaik naarook.

¹⁴Ntanapa ninye tabaraki too ntare inono, te wueji neidong'ishoreki, o te neironyishoreki, ore anaa enikitamayiana Olaitoriani Enkai ino, nchoo iyie ninye.

¹⁵Tadamu iyie nchere ira apa orrindik te nkop e Misiri, nikinyang'u Olaitoriani Enkai ino alaku neaku, kaaitanap nanu iyie ena olong.

¹⁶Kake tenikijoki ilo rindik, ‘Maalo nanu aing'uaa’, te nkaraki nikinyor ninye iyie o lmarei lino, amu eitumurrua te iyie,

¹⁷kaae niyau oltidu niud enkiok enye aipang'ie apudaki enkikenet e kutukaji, naa keaku ninye osinka lino ntarasi. Ore ina aisiaayiani ino ng'oruoi ninko neijia.

¹⁸Midol anaa entoki nagol tenilaaya ninye meshomo; amu to lpisiai le laakinoto olaisiaayiani kisiayia ninye ilarin ile. Neaku eikimayian iyie Olaitoriani Enkai ino teina pooki nias.

¹⁹“Ore lelo kikaunot pooki sitiman o lbung'aiko ooini too nkishu inono o too nkerrai, intisinyaki Olaitoriani Enkai ino; mintaas esiaai lelo kikaunot loo nkishu inono nimibarn lelo kikaunot loo ntare inono.

²⁰Inosa iyie o lmarei lino, te dukuya Olaitoriani Enkai ino to lari ake ninye pooki teine wueji negelu Olaitoriani Enkai ino.

²¹Kake teneeta entioto, tenaa maima aashu modooni aashu eeta ae tioto torrono nimipolosaki Olaitoriani Enkai ino.

²²Enosa intae tiatua nkang'itie inyi. Ore ilo oiduruk o lemeiduruk neidim ainosa anaa ake duoo enainosi entarakuet aashu esuni.

²³Osarge lenye ake minya; tubukoki enkop anaa enkare.