Read Maasai Bible – Biblia Sinyati Enkigilata oo Nkitanapat 20 Bible Online

Enkigilata oo Nkitanapat 20 - Maasai Bible – Biblia Sinyati bible

Enkigilata oo Nkitanapat 20

¹“Tenimpang iyie alo olarrabal aarare ilmang'ati linono, nidol imbartan o ngarrin oo mbartan o enjore kitok alang enino, miureyu iyie ninche; amu ketii Olaitoriani Enkai ino tenebo iyie, ilo apa likintayio iyie te nkop e Misiri.

²Naa tenilo iyie aigutaki olarrabal, nelotu olapolosani dukuya airorie iltung'ana,

³nejoki ninche, ‘Toning'o iyie Israel, tinyikai iyie ena olong ngutaki olarrabal taarare ilmang'ati linono: mincho oltau lino elepori; miureishoyu niming'aeng'ae, aashu imputukuny te nkaraki ninche;

⁴amu Olaitoriani Enkai ino ilo olo te dukuya iyie, pee kilo amitu too lmang'ati linono, nikincho iyie timirisho.’

⁵Neitoki lelo kituaak aairorie iltung'ana ejo, ‘Kalo tung'ani tene otesheta enkaji ng'ejuk neton eitu eitisiny? Nchoo ninye errinyo alo enkaji enye, melo ake aye to larrabal nelotu likae tung'ani aitisiny.

⁶Naa kalo tung'ani tene otuuno isabibu neton eitu eitumurru ilng'anayio lenyena? Nchoo ninye errinyo alo enkaji enye, melo ake aye to larrabal nelotu likae tung'ani aitumurru ilng'anayio lenyena.

⁷Naa kalo tung'ani tene otasayia entito neton eitu eyam? Nchoo ninye errinyo alo enkaji enye melo ake aye to larrabal neya likae tung'ani ina tito.’

⁸Neitoki lelo kituaak aairorie iltung'ana nejoki, kalo tung'ani tene otureishe netalepori? Nchoo ninye errinyo alo enkaji enye melepori ake iltauja loo ltung'ana lenyena anaa olenye?

⁹Ore ake pee eidip lelo kituaak aairorie iltung'ana, neitokini aagelu ilarikok le njore metijing'a dukuya iltung'ana.

¹⁰“Tenilotu iyie ataaniki enkanasa aarare, tang'asa nchoo ninche erishata e seriani.

¹¹Naa tenaa eseriani ewalata enye, nikibolu ninye, ore lelo tung'ana pooki ootumi tiatua ninye neas esiaai nagol nikisai iyie.

¹²Kake tenemeitobir ninche eseriani tenebo iyie, kake olarrabal kintayunye, nimuatu iyie ninye;

¹³naa ore teneishoru Olaitoriani Enkai ino apik atua enkaina ino ina anasa niar ilewa lenyena pooki to lalem.

¹⁴Kake ore inkituaak o nkera kutiti o nkishu o pooki toki natii atua ina anasa, nena masaa pooki naaibung'aki niyaya anaa entoki nitaraitie nishipakino iyie nena nitarayie too lmang'ati linono, naa Olaitoriani Enkai ino likinchoo iyie.

¹⁵Neijia shomo nkuna te nena anas pooki naalakua oleng te iyie, te nena neme nkanas e kulo oshon tene.

¹⁶Kake ore tiatua inkanas e kulo tung'ana nikincho iyie Olaitoriani Enkai ino metaa enjung'ore ming'uaa hoo toki eishu.

¹⁷Kake shomo ndaikie ninche tukul, Ilhiti o Lamori, o Lkanaani o Lperisi o lhafi o Lyebusi, anaa enaitanapishe Olaitoriani Enkai ino;

¹⁸pee meiteng'en ake ninche intae entaas olminong lenye otaasa te nkisiayiare oo nkaitin enye, niasiasa eng'oki to Laitoriani Enkai inyi.

¹⁹“Teniman amuat iyie enkanasa te nkata naado, nintayunye ninye olarrabal pee iya, mindaikie iyie ilkeek lenyena aiteleiki entolu shumata ninche; kake indimidimi aainosa ninche kake midung'udung'u ninche aauroo. Ketaa ilkeek tiong'ata iltung'ana metaa imanimana intae aamuat?

²⁰Lelo keek ake liyiololo aajo ilkeek leme le ndaa indimidimi aaidaikie nidung'udung'u aauroo pee itumutumu aateshetunyie isempewueti teina anasa naitayunye intae olarrabal, ometaba anaa nebatata.