Read Maasai Bible – Biblia Sinyati Yohana 15 Bible Online

Yohana 15 - Maasai Bible – Biblia Sinyati bible

Yohana 15

¹“Kara nanu osabibu odede, naa Papa lai olaramatani.

²Ore olng'osila tiatua nanu lemeiu Ilng'anayio, neiwuang'ie ninye, ore olng'osila pooki oiu ilng'anayio, neitobir metisidana, peyie eiu lng'anayio kumok.

³Neitaaki taata intae sidain te nkaraki o rorei latiaaka intae.

⁴Entotoni tiatua nanu anaa enaton tiatua intae. Ore anaa enemeidim olng'osila atoiu lng'anayio makewan, te nemetii olchani, mindimidimi sii intae tinimitonini tiatua nanu.

⁵Nanu osabibu, intae ilng'osil. Ore oloton tiatua nanu, naton sii nanu tiatua ninye, neiu lng'anayio kumok, amu ore matii nanu nimindimidimi intae aataas toki.

⁶Tenemeton oltung'ani tiatua nanu nenang'ari boo anaa olng'osila, netoyu, nesotu iltung'ana ninche nenang'akini enkima, metapejo.

⁷Tinitonini intae tiatua nanu, neton ororei lai tiatua intae, entoomonu entoki pooki niyieuu naa keitaasi intae.

⁸Teina errepi Papa, inchere iatata lng'anayio kumok, niakuku taa lkipaareta laainei.

⁹Ore anaa enaatonyorra Papa, atonyorra sii nanu intae. Entotoni tiatua enyorrata ai.

¹⁰Tinimbung'ubung'u intae nkitanapat aainei, naa aitonini tiatua enyorrata ai, anaa enaibung'a nkitanapat e Papa naton tiatua enyorrata enye.

¹¹Atolikio intae kuna baa pee etum eng'ida ai atotona tiatua intae, pee etum eng'ida inyi ataboreyia.

¹²“Ena enkitanapata ai, inchere tonyorra olikae anaa enatonyorra nanu intae.

¹³Meetae oloata enyorrata sapuk nalang ena, eji keitayu oltung'ani enkishui enye te nkaraki lchoreta lenyena.

¹⁴Irara intae lchoreta laainei ti niaasiasa pooki ake bae naitanapa intae.

¹⁵Maitoki ajo intae isinkan, amu meyiolo osinka enaasita olkitok lenye; kake atejo intae ilchoreta, amu atolikio intae pooki natoning'o te Papa.

¹⁶Mme intae likitegelutua nanu kake kategelua intae naitanap intae enchom entoiu ilng'anayio, nebik ilng'anayio linyi, paa ore pooki niomonono Papa te nkarna ai, neisho intae.

¹⁷Ena aitanap intae, inchere entonyorrata.

¹⁸“Te neibayu intae enkop, entayiolo nchere nanu etang'asa aibayu eton eitu eibayu intae.

¹⁹Te naa irara le nkop, naa anaata enyor enkop ilenyena; kake mirara ile nkop, amu ategelua intae aitung'uaa enkop, te nkaraki e ina pee eiba intae enkop.

²⁰Entadamu ilo rorei latiaaka intae, ‘Mme kitok osinka to lkitok lenye.’ Te naaisilisilo nanu keisilisil sii ninche intae; te neibung'a ororei lai, keibung sii ninye olinyi.

²¹Kake keitaas intae kuna baa pooki te nkaraki enkarna ai, amu meyiolo ninche ilo laairriwua.

²²Te neitu apa alotu airorie ninche, anaata meeta eng'oki; kake meekure taata eeta eneitolonyaki te ng'oki enye.

²³Ore olaaiba nanu neiba sii ninye Papa.

²⁴Te neitu apa aas tiatua ninche isiaaitin neitu eas likae, anaata meeta eng'oki; ore taata netoduaa naaibayu nanu o Papa lai.

²⁵Kake ororei oigeroki tiatua nkitanapat enye eitabari, ‘Aaibaitie nanu pesho.’

²⁶Ore te nelotu Olautaroni lairriwaki intae te netii Papa, Enkiyang'et e sipata olotu, eing'uaa enetii papa ninye laaishakenoki nanu,

²⁷nirara sii intae ilchakenini amu ore ebaiki enkiterunoto nikitaboitare intae nanu.