Read Maasai Bible – Biblia Sinyati Yohana 17 Bible Online

Yohana 17 - Maasai Bible – Biblia Sinyati bible

Yohana 17

¹Ore pee eidip Yesu atejo kuna baa, neing'orie nkonyek enyena Keper, ajo, “Papa etabawua esaa; intaa kitok Enkerai ino pee kintaa sii iyie Enkerai ino kitok.

²Amu inchoo meitoria pooki tung'ani pee eisho enkishui nemeish lelo pooki linchoo iyie ninye.

³Naa ena enkishui nemeish, inchere pee kiyiolou iyie Enkai nasipa nabo ake, neyiolou Yesu Kristo, ilo lirriwua.

⁴Aaitaa nanu iyie kitok te nkop; aitabayie esiaai nikinchoo mataasa.

⁵Ore taata Papa, intaaki iyie nanu kitok, te nebo iyie te nkitoo naata apa te nebo iyie eton eitu eitobiri enkop.

⁶“Aibalakinye enkarna ino lelo tung'ana likinchoo iyie aitung'uaa enkop. Ilinono apa ninche, nikinchoo iyie ninche, neibung'a ororei lino.

⁷Netayioloito taata ninche aajo ore pooki nikinchoo naa iyie eing'uaa;

⁸amu ore irorei likinchoo iyie naishoo nanu ninche, netang'amutua ninche. Netisiputua aayiolou inchere, iyie aing'uaa, neiruko inchere iyie likirriwua.

⁹Ninche aomonoki; maomonoki enkop, kake lelo likinchoo, amu ninche ilinono;

¹⁰naa ore ntokitin aainei pooki ininono, naa inaainei ininono, naaitaaki kitok tiatua ninche.

¹¹Meekure atii nanu enkop, netii ninche enkop; etaa kalotu nanu enitii. Papa Sinyati, torripo ninche te ngolon e nkarna ino, teina arna apa nikinchoo nanu, pee eaku nabo anaa enikira sii iyiook nabo.

¹²Ore oshi eton atii te nebo ninche natorripo ninche, te nkarna ino, lelo likinchoo nanu atagolie nanu ninche, nemetii hoo obo oimina, meteleku ina kerai e nkiminata pee eitabari ilkigerot.

¹³Kalotu taata enitii iyie, najo kuna baa te nkop pee eiputakino ninche eng'ida ai.

¹⁴Aishoo ninche ororei lino; neibayu ninche enkop, amu mme le nkop anaa enemara nanu ole nkop.

¹⁵Maomonoki intayu ninche te nkop, kake pee intajeu iyie ninche te ilo torrono.

¹⁶Mme le nkop ninche anaa enemara nanu ole nkop.

¹⁷Intisinya ninche te sipata ino. Esipata ororei lino.

¹⁸Ore anaa enikirriwua iyie nanu atua enkop, airriwayie sii nanu ninche atua enkop;

¹⁹naa kaitisiny kewan te nkaraki ninche pee esinyayu sii ninche te sipata.

²⁰“Neme ninche ake aomonoki, kake o lelo pooki laairuk nanu te nkaraki ororei lenye;

²¹pee eaku pooki nabo, anaa iyie Papa itii atua nanu natii nanu atua iyie, pee etii sii ninche atua iyiook, pee etum enkop airuko nchere iyie likirriwua.

²²Aishoo ninche ina kitoo nikinchoo iyie nanu, pee etum aataa nabo anaa enikira iyiook nabo.

²³Katii nanu atua ninche nitii iyie atua nanu, pee eitaai ninche ilooiputakinote o metaa nabo, pee etum enkop atayiolo nchere iyie likirriwua, nitonyorra ninche anaa enikitonyorra nanu.

²⁴“Papa, kayieu netii, lelo likinchoo enatii nanu, pee edol enkitoo ai nikinchoo iyie, amu kitonyorra iyie nanu eton etioyo enkitamanyunoto e nkop.

²⁵Iyie Papa sinyati, eitu kiyiolou enkop, kake aatayiolo nanu netayioloito kulo nchere iyie likirriwua nanu.

²⁶Netaiyioloito ninche enkarna ino naa kaitoki aitayiolo, pee etii atua ninche ina nyorrata nikitonyorrie nanu, natii nanu atua ninche.”