Read Maasai Bible – Biblia Sinyati Yohana 4 Bible Online

Yohana 4 - Maasai Bible – Biblia Sinyati bible

Yohana 4

¹Ore apa pee eyiolou Yesu nchere etoning'o Ilfarisayo aajo eitaa Yesu iltung'ana kumok lkipaareta neibatisa lkumok oolang ile Yohana,

²hoo neitu eibatisisho Yesu makewan, lkipaareta lenyena ake.

³Neing'uaa Yudea nerrinyo alo Galilaya.

⁴Kake meeta kata nemeimaa Samaria.

⁵Nelotu taa enkanasa e Samaria naji Sikar, nanyikita enkurma apa naishoo Yakobo olayioni lenye Yosef.

⁶Netii enchorro e Yakobo ine. Neton Yesu te mbata e nchorro, enaure te lototo enye. Netaa enaaku saa ile ina kata.

⁷Nelotu enkitok e Samaria aoku enkare. Nejoki Yesu ninye, “Inchooki enkare naok,”

⁸amu eshomo lkipaareta lenyena aainyiang'u endaa teina anasa.

⁹Nejoki ina kitok e Samaria ninye, “Kaji etiu pee kiomon iyie Olyahudi enkare nara nanu Esamariai?” (Amu mejing'a Lyahudi o Samaria).

¹⁰Newaliki Yesu ajoki, “Te naa iyiolo enkishorunoto e Nkai anaa ilo likijoki ‘inchooki enkare naok,’ anaata aa iyie naomon ninye naa eikincho ninye enkare e nkishui.”

¹¹Nejoki enkitok ninye, “Lo Kitok, miaata toki niokunye negut olkesumet[2]: ai ti aji iata enkare e nkishui?

¹²Aira iyie kitok alang papa lang Yakobo, oishoo iyiook ele shoro netooko ninye o layiok lenyena, o nkishu enyena?”

¹³Newaliki Yesu ajoki ninye, “Ore pooki ng'ae ook ena are naa keitoki atir enkure,

¹⁴kake ore olook ina are naisho nanu, nemetir enkure ntarasi; amu ore ina are naisho nanu keaku enchorro tiatua ninye, naitootuaakino enkishui oo ntarasi.”

¹⁵Nejoki enkitok ninye, “Lo Kitok, inchooki ina are, pee maaitoki atir enkure, nemaitoki alotu ene neba inji aoku enkare.”

¹⁶Nejoki Yesu ninye, “Shomo impoto olpayian lino wootu ene.”

¹⁷Newaliki enkitok ajoki ninye, “Maata nanu olpayian.” Nejoki Yesu ninye, “Intorioko ina nitejo, ‘Maata nanu olpayian,’

¹⁸amu imiet ilpayiani likiwaita, neme olino olikiaata taata. Ore tena, iroro esipata.”

¹⁹Nejoki enkitok ninye, “Lo Kitok, kadol ajo ira iyie oloiboni.

²⁰Eteseremishote apa loo papa tele doinyo, nijojo intae eji atua Yerusalem ake etii ewueji neseremishoreki.”

²¹Nejoki Yesu ninye, “Irukoki nanu na kitok, kelotu esaa neme tele doinyo, neme te Yerusalem iserememe Papa.

²²Iserememe intae enimiyiololo, nikiserem iyiook enikiyiolo, amu Ilyahudi eing'uaa enjeunoto.

²³Kake kelotu esaa, netaa taata, naserem ilaseremak oosipa Papa te nkiyang'et o te sipata; amu ilaaijo lelo eing'oru Papa pee eserem ninye.

²⁴Enkiyang'et Enkai, ore ilooserem ninye, neishiaakino ake neserem te nkiyang'et o te sipata.”

²⁵Nejoki enkitok ninye, “Kayiolo ajo kelotu Mesia laa ninye eji Kristo, Naa te nelotu neboloki iyiook imbaa pooki.”

²⁶Nejoki Yesu ninye, “Nanu doi ele laairorie iyie,”

²⁷Nepuonu teina kata lkipaareta lenyena, neing'asia te nkaraki nairorie enkitok: kake metii olotejo, “Kainyoo ing'oru?” Aashu, “Oo pee irorie iyie ninye?”

²⁸Neing'uaa ina kitok oltoo lo soit le nkare, nelo ina anasa nejoki olorere,

²⁹“Wootu entodol oltung'ani laatolikio mbaa pooki apa nataasa. Kebaiki sa naa ele Kristo?”

³⁰Neipang taa ninche te nkanasa nepuonu enetii Yesu.

³¹Ore teina rishata ake nesai lkipaareta lenyena Yesu aajoki, “Olaiteng'enani, tadaayu.”

³²Nejoki ninye ninche, “Kaata endaa nanya nimiyiololo intae.”

³³Nejokino lkipaareta lenyena, “Keetae oloyaka endaa?”

³⁴Nejoki Yesu ninche, “Ore endaa ai naa te naas eyieunoto e lido laairriwua, naidip esiaai enye.

³⁵Aimijojo intae, keng'or ilapaitin oong'uan, pee ebau enkikesare? Entudumu nkonyek inyi, ajoki intae, eng'ura nkurman, eidipa aaiborrita pee eikesi.

³⁶Etumito olaikesani olekoisiaayio, neiturrurrito lng'anayio oobaiki enkishui oo ntarasi pee eshipa te nebo olaunoni o laikesani.

³⁷Ele rorei osipa, ilo otejoki nchere, keun obo neikes likae.

³⁸Airriwayie intae enkesa eneitu iyekarere; kulikae ooteekare, nietuo intae aajing enkikesare enye.”

³⁹Neiruko Isamaria kumok le ina anasa te nkaraki ororei oishakenoko ina kitok inchere: “Aatolikio Yesu nataasa apa pooki.”

⁴⁰Ore pee epuonu Isamaria enetii Yesu, nesai metotona te nebo ninche, nebik inkolong'i are teine.

⁴¹Neiruk kulikae kumok te nkaraki ororei lenye.

⁴²Nejoki ina kitok, “Meekure aa te nkaraki e nkiroroto ino pee kiruk, amu kitoning'o iyiook maate, naa eikiyiolo aajo kesipa ele Olaitajeunoni le nkop.”

⁴³Ore pee elusoo nena olong'i pokira are neing'uaa Yesu ine alo Galilaya.

⁴⁴Amu etejo Yesu makewan nchere, “Meishori oloiboni enkanyit te nkop enye.”

⁴⁵Ore pee elotu Galilaya, neng'amu Ilgalilaya ninye; etoduaa pooki naataasa te Yerusalem to sirua; amu eshomo sii ninche ilo sirua.

⁴⁶Neitoki alotu Kana e Galilaya ine neibelekenyie enkare aitaa enaisho oo sabibu. Netii apa oltung'ani kitok omuoi olayioni lenye te Kapernaum.

⁴⁷Ore pee ening ele tung'ani nchere eewuo Yesu eing'uaa Yudea alo Galilaya nelo enetii, nesai metadoi alo aishiunye olayioni lenye; amu etaa keye.

⁴⁸Nejoki Yesu ninye, “Te neitu idolidolo ilmonek o mbaa e nking'asia nimirukuruku.”

⁴⁹Nejoki ilo tung'ani kitok ninye, “Lo Kitok, tadou eton eitu eye enkerai ai.”

⁵⁰Nejoki Yesu ninye, “Shomo amu keishiu olayioni lino.” Neiruk ilo tung'ani ororei otiaaka Yesu, nelo.

⁵¹Ore eton edoyio alo nenang'are isinkan lenyena neliki ninche aajoki, “Keishu enkerai ino.”

⁵²Neikilikuan esaa naishiunye. Nejoki ninche ninye, “Ng'ole saa naapishana, etung'ueikia olkirobi.”

⁵³Neyiolou menye ina kata ajo, enang'ole saa natiaakinye Yesu, “Ekeishiu olayioni lino.” Neiruk ninye makewan o enkaji enye pooki.

⁵⁴Ele taa olmonekie li are otaasa Yesu pee elotu eing'uaa Yudea alo Galilaya.