Read Maasai Bible – Biblia Sinyati 1 Ilkorinto 13 Bible Online

1 Ilkorinto 13 - Maasai Bible – Biblia Sinyati bible

1 Ilkorinto 13

¹Tenairo naa kairo naaji too lng'ejepa loo ltung'ana anaa too loo lmalaika, kake te nemaata enyorrata natotiwuo ana esekenkei naru anaa empilbil nadar.

²Kaidim ataa kaata enkishooroto e naibon o eyiolounoto oo nkisudorot misili pooki o eng'eno pooki, kaidim ataa kaata enkirukoto nadotu ildoinyio, kake te nemaata enyorrata nemara toki.

³Kaidim ataasishore pooki toki naata aitotiyie ilaisinak naidim sii aishooi osesen lai metapeji, kake te nemaata enyorrata, nematum toki.

⁴Keng'iri enyorrata, neeta olng'ur, nemeeta olom, nemewuasa enyorrata, nememenisho,

⁵nemeas mbaa e nkinyala, neme naaret kewan ake eing'oru, neme ng'arng'arri, nemeiken intorrok,

⁶nemerrep enkarruoisho, kake keshipakino esipata;

⁷nenyuaakino mbaa pooki, neeta enkirukoto te pooki toki, neeta osiligi le pooki toki, neng'iriakino pooki toki.

⁸Ore enyorrata nemeru ae toki ntarasi. Te neetae enaibon ekeiting'ieki; te naa ilng'ejepa keiting, ore eng'eno naa keishari.

⁹Mebaya eng'eno ang, nemebaya enaibon ang;

¹⁰kake keish nena pooki naang'or te nebau kenya ina lulung'ata naiputakine.

¹¹Ore apa ara enkerai, nairo, nadamisho anaa enkerai, nawalu ana enkerai, ore taata ara oltung'ani botor, naiting'ie mbaa e keraisho.

¹²Ore taata mbaa nikidol netiu anaa naairupurup tiatua kiok, kake ore teidia kata nikiduaa nkomomi; melulung'a taata eng'eno ai, kake ore idia kata naitululung ayiolou, anaa enaaitululung'a Enkai ayiolou nanu.

¹³Ore naa, kebik kuna pokira uni: enkirukoto, o siligi, o enyorrata; kake enyorrata esapuk aisul pooki.