Read Maasai Bible – Biblia Sinyati 1 Ilkorinto 16 Bible Online

1 Ilkorinto 16 - Maasai Bible – Biblia Sinyati bible

1 Ilkorinto 16

¹Ore tialo esotore naishori isinyat enkuna sii intae anaa ina naitanapa isirito e Galatia.

²Ore te nkolong e dukuya e wiki ninchosho eiteng'el pooki tung'ani enkiti toki anaa enaidim; paa te nalotu nemeitokini aata esotore.

³Entegelu kulikae linyi, ore pee abau, nairriwaa ninche naisho mpala mewaita ina kishorunoto inyi Yerusalem.

⁴Naa te neishiakino nalo sii nanu, nikiriamari.

⁵Kalotu ina alo atang'asa aimaa Makedonia amu kayieu naimaa ine;

⁶nebaiki nang'as aton te nebo aashu abik te nebo intae te rishata e nkijape, paa intae likipuonunu aaitobiraa te nene wuejitin pooki nalo.

⁷Amu mayieu taata neaku kalotu ake aimaa intae, kaisilig ajo kabik te nebo intae te rishata naje, te neishoru Olaitoriani.

⁸ Kang'as abik te Efeso o metabau Pentekoste;

⁹aatabolokoki empaash e siaai nadupa, naa kumok ilmang'ati.

¹⁰Ore te nelotu Timoteo, entodol ake pee meureishoyu etii te nebo intae, amu esiaai o Laitoriani easita anaa nanu,

¹¹neaku emincho ake etumi oltung'ani omenaa ninye. Entaretoi meshomo te seriani pee elotu enatii. Amu kaanyita nanu neanyita sii ilairukok.

¹²Ore tialo olalashe lang Apolo, aitirrishaka oleng pee elotu ine nitii te nebo lelo alashera; kake meyieu ninye nelotu tena kata, kake kelotu te nkata naatae erishata.

¹³Entashololoto, entashoito oleng te nkirukoto, entagol nipijuju.

¹⁴Enchoo eaku ore pooki bae niasiasa, entaas te nyorrata.

¹⁵Ilalashera laainei, iyiololo intae enkaji e Stefana ninche naaitera aaibelekenyakino Enkai te Akaia netasheikinote aaisiaai isinyat.

¹⁶Aisisaki intae ajoki entonyorrai erikore oo ltung'ana laaijo lelo, o ene pooki ng'ae o sinka oisiaaisho te nebo intae.

¹⁷Atishipe naleng etabawua Stefana, o Fortunatu o Akaika, amu erishata inyi nimitii etijing'a ninche

¹⁸amu aayeng'iyeng'ie embaunoto enye ndamunot naa nejia itiuu sii intae. Entayioloito ake tipat oo ltung'ana laaijo kulo.

¹⁹Eiroroki intae isirito e Asia. Ore Akuila o Priska, te nebo esirit natii enkaji enye, neirriwaki intae enkirorokino tiatua Olaitoriani.

²⁰Eiroroki intae ilalashera pooki. Erorokinoto te ng'ututata nasinya.

²¹Nanu Paulo, oirriwaki intae ena kirorokino te nkaina ai makewan.

²²Te netii obo lemenyor Olaitoriani inchoo metaa kediaa ilo! Olaitoriani lang, wou!

²³Metaa te nebo intae empiris o Laitoriani Yesu.

²⁴Airriwaki intae pooki enyorrata ai tiatua Kristo Yesu.