Read Maasai Bible – Biblia Sinyati 2 Ilkorinto 13 Bible Online

2 Ilkorinto 13 - Maasai Bible – Biblia Sinyati bible

2 Ilkorinto 13

¹Enkata e uni ena alotu enitii. Ore anaa enajo Lkigerot, “Too nkutukie oo lchakenini aare aashu okuni edung'i enkiguana ake pooki.”

²Ore enapa kata e are pee alotu enitii naikoo lelo apa ootaasa ntorrok, naikoo sii lkulikae pooki. Ore sii taata alamita intae naigil aikok intae; naa te naitoki taata alotu nemeekure aduaaya intae.

³Ena doi iyieuu naitadedeyie nchere Yesu oirorie intae tiatua nanu. Nemeshal taa ninye too nkiaasin naaitaas intae; keasisho engolon enye tiatua intae.

⁴Keshal apa ninye pee eshei, kake enyaaka engolon e Enkai aisho ninye enkishui. King'arie sii iyiook ninye ina shalan, kake engolon e Enkai naisho iyiook enkishui enye, pee kitumoki aaisiaaisho tiatua intae.

⁵Entujur ate te naa itii atua enkirukoto; entetem ate. Eimiyiololo aajo ketii Yesu Kristo atua intae? Naa te nemesipa, neturua intae enkirukoto.

⁶Kaisilig nanu ajo iyiolouu ake ninye aajo mikitii iyiook lelo ootabatatate.

⁷Kiomon Enkai pee miaasiasa ntorrok, neme pee eji kitudupote iyiook kake pee kias iyiook isupati, hoo naa kedol kulikae iyiook anaa keturua iyiook kias.

⁸Amu mikindim hoo iyiook aataas ae bae naarare esipata, kake enaipirare esipata kiaas.

⁹Eiking'ida iyiook ti nikishal igoligolo intae. Ore enatii, intae kiomonoki pee imputakinono.

¹⁰Ore pee aigerito nanu ena matii tenebo ntae, kajo paa te nabau nemaasishore enkidimata naata aitame intae. Olaitoriani laaishoo ena kidimata mateshetishore mme enaitarruorrie.

¹¹Ore enabayie, lalashera laainei, naa enkitanapa: Entorioi inkoitoi inyi, entang'amu enkikoo ai, entoning'oto maate, entobikie eseriani; naa keaku Enkai e nyorrata o eseriani te nebo intae.

¹²Erorokinoto te ng'ututata nasinya.

¹³Eiroroki intae isinyat pooki.

¹⁴Metaa empiris o Laitoriani lang Yesu Kristo o enyorrata e Enkai o enchula e Nkiyang'et Sinyati, te nebo intae pooki.