Read Maasai Bible – Biblia Sinyati Ilgalatia 4 Bible Online

Ilgalatia 4 - Maasai Bible – Biblia Sinyati bible

Ilgalatia 4

¹Ajo doi nanu nji; ore olayioni te menye naa keidim ataa ninye ojung imasaa pooki, kake ore eton aa oti nemerisha o rrindik,

²eton aa abori laramatak etii o laitasheikinok o metabau enkata apa natejo menye.

³Neijia sii kitiu iyiook, ore apa eton kira ooti, neton kira irrindiki loo nkiyang'eta e nkop,

⁴kake ore pee ebau enkata sidai, neirriu Enkai Oinoti lenye, otoiwuo enkitok, netoiwuoki ninye tiabori Nkitanapat,

⁵pee einyiang'u lelo leton etii abori nena kitanapat pee kitum iyiook aatang'amu kiela naitaa iyiook nkera enyena.

⁶Ore pee etum aitodolu nchere irara nkera enyena, eirriwua Enkai Enkiyang'et o Inoti lenye atua ltauja lang, nebuak ajo, “Aba, Papa.”

⁷Neaku meekure ira orrindik, kake itaa enkerai, naa ti nitaa enkerai, itaa sii olajung'oni, te nkiaas e Nkai makewan.

⁸Ore apa miyiololo intae Enkai, neaku irara apa irrindiki loo ntokitin neme hoo nkaitin.

⁹Kake amaa taata itayioloito Enkai, aashu doi taata eewuo Enkai ayiolou intae, kaji etiu pee intokiki arrinyokino inkiyang'eta aisinak nemeeta tipat neshal? Eji niyieuu intae nintokiki ake aaku rrindiki lenye.

¹⁰Niaatata nkolong'i nieniene o lapaitin o nkatitin o larin.

¹¹Kintureita nanu matejo ore esiaai pooki nagol nataasa te nkaraki intae netaa ene pesho.

¹²Asai intae ilalashera o nkanashera, entotiu anaa enatiu nanu, amu atotiwuo sii nanu anaa enitiuu intae. Eitu kintaasiasa nanu ae bae torrono,

¹³iyiololo aajo te nkaraki emuoyian o sesen pee anoto erishata nalikinye intae Lomon Supati te nkiterunoto,

¹⁴naa ore eyia, eitu ntodolulu olmena aashu enyimore te nkaraki naamena osesen, hoo netetemaki intae enkuna neijia, kake kitang'amutua anaa kara olmalaika le Nkai, anaa kara Kristo Yesu.

¹⁵Koree naa taata ina aripo inyi? Kara shakeni nchere tenaa apa indimidimi, anaata itukurtutuo nkonyek inyi pee kinchosho nanu.

¹⁶Kataa naa taataolmang'atinta linyi, amu atolikio intae isipat?

¹⁷Enyoito lelo laaiba aaitirrish intae oleng, kake mme too supati; kejo pee erishie intae nanu pee eaku ninche enyokitai.

¹⁸Aisidai te nikirrepi too mbaa sidain, te naa sidai embae napuku teina, naa too nkatitin pooki mme enoshi kata ake atii te nebo intae.

¹⁹Inkera aainei kutiti, kame nasaisai anaa entuaa naisho ajo pee eigili aaiu intae, o metaba anaa nepurupuranayu Kristo tiatua intae.

²⁰Kayieu naaji naa katii te nebo intae pee atum aibelekenya oltoilo, amu eimayiolo enaas te nkaraki intae.

²¹Entolikioki intae lelo onguar netii abori nkitanapat, keitu pasa oshi ining'ining'i enajo nena Kitanapat?

²²Amu ejo Ilkigerot eji etoiwuo Abraham layiok aare, ole rrindik obo naa ole sayunoti nalakuno olikae.

²³Kake ore ilo le rrindik netoiwuoki to loshi ake rrekie loo ltung'ana, ore ole sayunoti nalakuno naa enkisiligata e Nkai eitabayioki.

²⁴Neeta ninche nena pokira enagut nalimu, ore nena kituaak pokira are naa sotuaitin pokira aare eutu. Oldoinyo le Sinai eimua obo, are nkera naaiu naa nkera e sinkaisho eiting'oki; naa Haga eimaka ina.

²⁵Eitodolu Haga Oldoinyo le Sinai otii Arabia. Netiu anaa ena Yerusalem natii taata, amu etii sinkaisho te Yerusalem te nebo o nkera enyena.

²⁶Kake ore ina kitok sayunoti nalakuno naa Yerusalem e keper eutu ninye naa ninye yieyio ang iyiook.

²⁷Amu ejo Ilkigerot, “Ting'idayu enkolupi nemeisho, tabuaa nchira, hoo nimisaisai; amu ina kitok naton openy naata nkera kumok naalang ine ina naata olmoruo.”

²⁸Kake ore doi intae, ilalashera laainei o nkanashera itiuu anaa Isaak, irara nkera e nkisiligata e Nkai.

²⁹Etii ae, ore apa te nena olong'i, ore elde otoiwuoki to loshi ake rrekie loo ltung'ana neinosie osina ilo otoiwuoki te ngolon e Nkiyang'et, naa neijia sii taata etiu.

³⁰Kake kejaa Lkigerot? “Taarai ina rrindik o ilo ayioni lenye; amu mejung'isho olayioni le rrindik te nebo olayioni le sayunoti.”

³¹Neaku, lalashera o nkanashera, mikira iyiook nkera e rrindik, kake ine nkitok sayunoti nalakuno.