Read Maasai Bible – Biblia Sinyati Yoshua 12 Bible Online

Yoshua 12 - Maasai Bible – Biblia Sinyati bible

Yoshua 12

¹Kulo apa ilaiguanak le ina kop, ootimira iltung'ana le Israel, neya ina kop enye te lido kekun le Yordan te nkalo e nkilepunoto e nkolong ebaiki oerata le Arnon o metabaiki oldoinyo le Harmon o Araba pooki te nkalo o loosaen.

²Sihon olaiguanani loo Lamori apa omanya Heshbon, naa ninye apa oitore ebaiki Aroer natii olomanaa lo erata le Arnon o metabaiki empolos o erata o metabaiki olkeju le Yabok, ilo polosie loo Lamori, aa taa, olpisiai le Gilead,

³O Araba o metabaiki enaiposha e Kineret te nkalo o loo saen, o te nkalo e Bet-yeshimot o metabaiki enaiposha e Araba, ina aiposha naisukut te enkalo e kopikop o metabaiki abori nena kishong'ishong'at e Pisga;

⁴o Oog olaiguanani le Bashan, obo apa lo lpisiai le Refaim, apa omanya Ashtarot o Edrei,

⁵naa ninye apa oitore oldoinyo le Harmon o Saleka o Bashan pooki o metabaiki olpolosie loo Lkishi o Lmaakati, o lpisiai le Gilead o metabaiki olpolosie le Sihon olaiguanani le Heshbon.

⁶Etimira apa Musa osinka lo Laitoriani te nebo iltung'ana le Israel ninche; neishooyo Musa ilo sinka lo Laitoriani enkop enye metaa enkop oo le Ruben, ole Gad o lpisiai lo losho le Manase.

⁷Naa kulo apa ilaiguanak le ina kop ootimira Yoshua o ltung'ana le Israel te nchoto o loontoluo le Yordan, ebaiki Baal-gad tiatua oerata le Lebanon o metabaiki ilo doinyo le Halak, oshumunye aing'or Seir (neisho Yoshua ina kop enye iloshon le Israel meitaa enenye te risioroto enkiririkinoto enye,

⁸tiatua ina kop nagum, tiatua Araba, o tiatua inkishong'ishong'at, tiatua olprkel oo tiatua negeb, ina kop oo Lhiti o Lamori o Lkanaani o Lperisi o Lhafi o Lyebusi):

⁹Kulo ilaiguanak ootimira Isiraeli: olaiguanani le Yeriko; olaiguanani le Ai aa ninye natashare Betel,

¹⁰olaiguanani le Yerusalem, olaiguanani le Hebron,

¹¹olaiguanani le Yarmut, olaiguanani le Lakish,

¹²olaiguanani le Eglon, olaiguanani le Geser,

¹³olaiguanani le Debir, olaiguanani le Geder,

¹⁴olaiguanani le Horma, olaiguanani le Aradi,

¹⁵olaiguanani le Libna, olaiguanani le Adulam,

¹⁶olaiguanani le Makeda, olaiguanani le Betel,

¹⁷olaiguanani le Tapua, olaiguanani le Hafer;

¹⁸olaiguanani le Afek, olaiguanani le Lasharon,

¹⁹olaiguanani le Maden, olaiguanani le Hasor,

²⁰olaiguanani le Shimron-meron, olaiguanani le Akshaf,

²¹olaiguanani le Taanak, olaiguanani le Megido,

²²olaiguanani le Kedesh, olaiguanani le Yokneam tiatua Karmel,

²³olaiguanani le Dori te Nafat-dor, olaiguanani le Goiim tiatua Galilaya,

²⁴olaiguanani le Tirsar. Ore pooki neaku tomoni uni o obo.