Read Maasai Bible – Biblia Sinyati Yoshua 20 Bible Online

Yoshua 20 - Maasai Bible – Biblia Sinyati bible

Yoshua 20

¹Neitoki Olaitoriani ajoki Yoshua,

²“Tiaaki iltung'ana le Israel, ‘Entegelu inkanas naasaruni, apa naa ninche nanu atiaaka intae aimunye Musa,

³inchere, ore oltung'ani oar olikae metua eitu eotiki aashu eitu ebaraki neidim akuetiki ine; keaku ninche te intae enesaruni te nkaraki ilo oitalaku elap to sarge.

⁴Neisikaki ninye nabo e nena anas nelo aitashe te nejing'ieki kishomi e ina anasa, nelimu mbaa enyena ainosaki ilpayiani le ina anasa; netum taa ninche aawaita ninye aaitijing'a atua enkanasa; neisho ninye ewueji, neton ninye te nebo ninche.

⁵Naa ore ake te nesuju ilo oitalaku elap to sarge ninye, nemeishooyo ninche ilo otasesekuanishe aapik inkaik enyena, amu etasesekuana apa ninye ilo le latia enye eitu eotiki, meetayie apa ninye olomang'ati too nkolong'i naatulusoitie.

⁶Naa keton ninye tiatua ina anasa o metaba anaa neaku eitasho ninye te dukuya olturrur meiguanareki, o metaba anaa neye ilo ora olapolosani kitok teina kata; neaku taa keidim ilo apa otasesekuanishe anyaaki ashomo enkang enye makewan o enkaji enye makewan, ina ang apa naa ninye eisikie.’ ”

⁷Neaku eiteng'ela apa ninche Kedesh te Galilaya tiatua ina kop oo ldoinyo e Naftali o Shekem tiatua ina kop oo ldoinyo e Efraim o Kiriat-arba, (aa taa Hebron) tiatua ina kop oo ldoinyo e Yuda.

⁸Ore te lido kekun le Yordan te nkalo o loo saen le Yeriko, negelu ninche Beser tiatua ilo purkel le nkop naitoriori, enkop o losho le Ruben o Ramot tiatua Gilead, enkop o losho le Gad; o Golan tiatua Bashan, enkop o losho le Manase.

⁹Kuna ninche nena anas apa naaiteng'elakaki iltung'ana pooki le Israel o lomoni omanya ina kop atua ninche, pee aa ore pooki ng'ae oar oltung'ani metua eitu eotiki neidim aisikaki ine pee melo ake aye te nkaina e ilo oitalaku elap to sarge o metaba anaa neitashe ninye te dukuya olturrur.