Read Maasai Bible – Biblia Sinyati Yoshua 24 Bible Online

Yoshua 24 - Maasai Bible – Biblia Sinyati bible

Yoshua 24

¹Neitoki Yoshua aiturrur iloshon pooki le Israel te Shekem, neipotu ilpayiani, ilukuny oo nkajijik o larishak o lkituaak le Israel, neyau ninche ate dukuya Enkai.

²Nejoki Yoshua lelo tung'ana pooki, “Inji ejo Olaitoriani, Enkai e Israel, ‘Etamanya apa loo papaai linyi lido kekun le Frati, Tera menye le Abraham o Nahori; neisiaai ninche kulie aitin.

³Naya apa nanu papaai linyi Abraham aitayu te lido kekun o lkeju narik nanu ninye tiatua enkop e Kanaan pooki; naitubul eishoi enye aitaa kumok. Aishoo nanu ninye Isaak;

⁴naisho Isaak Yakobo o Esau. Naisho nanu Esau ina kop oo ldoinyo e Seir meitaa enenye, kake eshomo Yakobo o nkera enyena Misiri.

⁵Nairriwaa nanu Musa o Aron, naar nanu enkop e Misiri te nena nataasa nanu tiatua ninche; ore te siadi naipang'unye nanu intae.

⁶Naipang'unye nanu loo papaai linyi aitung'uaa Misiri, nipuonunu enaiposha; nesuju apa Ilmisiri loo papaai linyi too ngarrin o too mbartan o meetu Enaiposha Nanyokie.

⁷Ore ake pee eishiraki ninche Olaitoriani nepik ninye enaimin erishata intae o lelo Misiri, naisho enaiposha meeu shumata ninche neitemoo ninche; netoduaa inkonyek inyi enaitaasa nanu Misiri; nitotona intae to lpurkel enkata naado.

⁸Naitoki nanu ayau intae enkop oo Lamori, laa ninche apa ootii lido likae kekun le Yordan; nearare ninche intae, naishoru nanu ninche apik atua inkaik inyi, niyaya intae enkop enye aaitaa eninyi, naidaikie nanu ninche te dukuya intae.

⁹Neitoki adumunye Balak olayioni le Sipor, olaiguanani le Moab, nearare Israel; neirriwaa olkilikuai aitoomon Balaam olayioni le Beor meeu adek intae,

¹⁰kake eitu nanu aning Balaam; neaku etamayiana ninye intae; neaku atokordua nanu intae aitung'uaa enkaina enye.

¹¹Nitalang'utua apa intae Yordan nipuonunu Yeriko, nearare intae iltung'ana le Yeriko o Lamori sii o Lperisi o Lkanaani o Lhiti o Lgigashi o Lhifi o Lyebusi; naishoru nanu ninche apik atua inkaik inyi.

¹²Napik nanu enkuretisho dukuya intae naa te nkaraki ena apa mme olalem linyi neme enkawuo inyi, natimirayie lelo aiguanak oaare loo Lamori.

¹³Aishoo nanu intae enkop neitu iekarere o nkanas neitu ishetishete, nibikitoto intae tiatua ninche ninyanya ilng'anayio le nkurma o sabibu leitu iunuunu.’

¹⁴“Ore naa taata entureita Olaitoriani nisiaayiayia ninye to ltau owang o te sipata (metii esunkuroisho); ewuang'ie nena aitin apa naaisiaayia iloo papaai linyi te lido kekun le Yordan; o te Misiri nisiayiayia Olaitoriani.

¹⁵Naa ti nimiyieuu intae nisiaayiayia Olaitoriani, entegelu ena olong olisiaayiayia tenaa ai nena aitin apa naaisiaayia iloo papaai linyi te lido kekun le Yordan aashu tenaa ai nena aitin oo Lamori naa enkop enye itii; kake ore nanu o olmarei lai naa aikisiaai Olaitoriani.”

¹⁶Newal iltung'ana aajo, “Kilome miking'uaa iyiook Olaitoriani, aapuo aaisiaai kulie aitin!,

¹⁷Amu Olaitoriani Enkai ang apa oyaua iyiook o loo papa aitung'uaa enkop e Misiri, aitupuku te nkop e sinkaisho, naa ninye apa otaasa nena kitoduaat sapuki too nkonyek ang, negolie iyiook teina oitoi pooki apa nikiima o tiatua iltung'ana pooki apa likiimaitie atua ninche.

¹⁸Nearaa Olaitoriani te dukuya iyiook iloreren pooki, Ilamori apa laa ninche emanya ena kop; metaa eikisiai sii iyiook Olaitoriani, amu ninye Enkai ang.”

¹⁹Kake etiaaka Yoshua iltung'ana, “Mindimidimi intae aaisiaayia Olaitoriani, amu Enkai sinyati ninye; Enkai o lom ninye; mepalaki ninye inkitarruorot inyi aashu ing'ok inyi.

²⁰Tining'uaa intae Olaitoriani aapuo aaisiaai inkaitin omon, naa keibelekenya sii ninye neitaas intae entorrono, nemut intae, eidipa aitaasa intae esidai.”

²¹Nejoki iltung'ana Yoshua, “A'a; eikisiai iyiook Olaitoriani.”

²²Neitoki Yoshua ajoki iltung'ana, “Irara intae ilchakenini tialo intae maate nchere itudutaitie Olaitoriani pee isiaayiayia ninye.” Nejo ninche, “Kira iyiook ilchakenini.”

²³Nejo Yoshua, “Ewuang'ie naa nena aitin omon naatii atua intae nimbelekenyakiki oltau linyi Olaitoriani, Enkai e Israel.”

²⁴Nejoki lelo tung'ana Yoshua, “Olaitoriani Enkai ang iyiook kisiaai, naa oltoilo lenye iyiook kining.”

²⁵Neitobir Yoshua olning'o o ltung'ana ina olong, neisho ninche inkitanapat o nkikoot te Shekem.

²⁶Neiger Yoshua kulo rorei tiatua embuku oo nkitanapat e Nkai; neya osoit kitok neitasheyie teine ti abori olchani teine wueji o Laitoriani.

²⁷Nejoki Yoshua lelo tung'ana pooki, “Ore ele soit naa keaku shakenisho tialo iyiook; amu etoning'o ninye irorei pooki lo Laitoriani ootiaka ninye iyiook; metaa keaku shakeni tialo intae, pee mintaasiasa ake entorroni Enkai inyi.”

²⁸Neisho taa Yoshua iltung'ana meshomo, oltung'ani ake nelo enjung'ore enye.

²⁹Ore te siadi kuna baa neye Yoshua olayioni le Nuni, osinka lo Laitoriani, aa oloo larin iip o tomon.

³⁰Nenukaa ninche ninye tiatua enjung'ore enye te Timnat-sera, apa naa ninye natii ina kop oo ldoinyo e Efraim, moikuape o ldoinyo le Gaash.

³¹Neisiaai Israel Olaitoriani too nkolong'i pooki e Yoshua o nkolong'i pooki e lelo payiani apa ootung'uayie Yoshua, apa ooyiolo esiaai pooki nataasa Olaitoriani te nkaraki Israel.

³²Ore iloik le Yosef apa ooyautua iltung'ana le Israel te Misiri nenukari te Shekem, tiatua erubata e nkop apa nainyiang'ua Yakobo too layiok le Hamor menye Shekem too mpisai iip; netaa apa ine enjung'ore oo layiok le Yosef.

³³Neye sii Eliesa olayioni le Aron nenukaa ninche ninye te Gibeya, te nkang e Finehas olayioni lenye apa naishooki ninye tiatua ina kop oo ldoinyo e Efraim.