Read Maasai Bible – Biblia Sinyati 2 Ilsesalonike 3 Bible Online

2 Ilsesalonike 3 - Maasai Bible – Biblia Sinyati bible

2 Ilsesalonike 3

¹Ilalashera o nkanashera, ore enabayie entoomoki iyiook, pee esioki ororei lo Laitoriani aibulaa nemirisho anaa enatimirishe tiatua intae,

²pee eitajeuni iyiook too ltung'ana arruok naa torrok; amu mme pooki ooata enkirukoto.

³Kake keisiligayu Olaitoriani naa keitagol ninye intae nerrip intae te ntorroni pooki.

⁴Aikiaata enkitieunoto tiatua Olaitoriani tialo intae inchere iasitata naa imookiki aas imbaa nikintanap intae.

⁵Metuutai Olaitoriani iltauja linyi aitorioki enyorrata e Nkai o enkitashoto nemeiwuatiwuata e Kristo.

⁶Intae ilalashera kintanap taata te nkarna o Laitoriani lang Yesu Kristo inchere entalam olalashe pooki oton te nturuaisho lemesuj ilo kerreti litang'amutua te iyiook.

⁷Iyiololo intae maate eninkoko te niduaayaya iyiook, amu ore apa kiboitare intae neitu kitoni pesho,

⁸neitu kinya endaa o ltung'ani hoo obo eitu kilak kake kinaurita nikisiaaisho kewarie o dama, pee mikiaaku ake olola le likae obo linyi.

⁹Neme te nkaraki naa esipata mikiaata kake pee kintodol iyiook intae to lkuaak lang enkitanyaanyukoto niduaayaya.

¹⁰Ore doi ninye ina kata kiboitare intae nikinchoo intae ena kitanapata: Te nemeasisho oltung'ani emincho enya endaa.

¹¹Kijo nji amu kining ake inchere etii kulikae linyi ootoni tiatua enturuaisho neitanyamaluo too siaaitin e kulikae nemeeta esiaai naas.

¹²Kintanap iltung'ana anaa lelo nikinkok te nkarna o Laitoriani Yesu Kristo metaasa esiaai enye te ngira nenya endaa naisiaayu oopeny.

¹³Ilalashera o nkanashera eminauru te asata oo supati.

¹⁴Te neany oltung'ani ening enikiliki iyiook intae te na palai, entayiolo ilo tung'ani, nimintokiki aata eniporokiki ninye, pee ekurru ninye.

¹⁵Emiing'or ninye anaa olmang'atinta, kake enkoo anaa olalashe.

¹⁶Ore taata Olaitoriani le seriani meishoo ninye intae makewan eseriani inkatitin pooki tiatua nkoitoi pooki, metaa Olaitoriani te nebo intae pooki.

¹⁷Nanu Paulo oigero ena kirorokino te nkaina ai makewan. Ele olmonekie le mpalai ai pooki, neijia oshiaake aiko te naiger.

¹⁸Metaa empiris o Laitoriani lang Yesu Kristo te nebo intae pooki.