Read Maasai Bible – Biblia Sinyati 2 Timoteo 4 Bible Online

2 Timoteo 4 - Maasai Bible – Biblia Sinyati bible

2 Timoteo 4

¹Aaitanap iyie te dukuya Enkai o Kristo Yesu, laa ninye oyooki aiguanare ilooishu o lootuata, o teina lotunoto enye,

²tolikioi ele rorei, isosiono te nkata sidai o te ntorrono. Inguanaki intijing'ai, nisikong, ninkok niaaku olemesi te ng'iriata o te nkiteng'enare.

³Amu kelotu enkata nemeyieu iltung'ana neng'iri ina kiteng'enare supat kake kesuj ninche iyieunot enye neing'uraki ate ilturrurri loo laiteng'enak ooitabaya nena naayieu ninche, te ng'ion oo nkiyiaa enye.

⁴Nepaash inaasipa aasuj inkaatini e lejare.

⁵Kake ore iyie ntasho anaake, ting'iria osina, taasa esiaai o lalikioroni, ntabai enkisiaayiare ino.

⁶Amu eidipa atabau enkata pee aaitaae olasar. Etabawua enkata e lototo ai.

⁷Ataarare olarrabal sidai, naidipa ina kuetata, natagolie enkirukoto.

⁸Ore ebaiki taata aatushumakaki nanu enkopiyia e nkitoo e supatisho, naa Olaitoriani, ilo arishani asipani laayooki aisho teina olong, neme nanu ake eishori, kake keishori sii lelo ootonyorra aanyu enkata naliooyu ninye.

⁹Tonyuaa oleng, tasieku ene natii.

¹⁰Amu ore Demas, etonyorra ena kop e taata naashomo aing'uaa nelo Sesalonike. Eshomo Kreskes Galatia neshomo Tito Dalmatia.

¹¹Luka ake openy laaboitare. Ing'oru Marko pee ishoru, amu kaaretu oleng te siaai.

¹²Airriwayie Tikikos meshomo Efeso.

¹³Ore te nilotu iyie nishoru olkila apa latung'ueikia Karpo te Troas o mbukui sii, neisulaki nena oo ndapan.

¹⁴Ore Aleksanta ele kunoni loo suyan aaitaasa ntorrok oleng, keitalak Olaitoriani te nkaraki nkiaasin enyena.

¹⁵Torripo naa kewan te ninye amu etishirraka aany olkilikuai lang.

¹⁶Ore apa ang'orito kewan te dukuya nemetii hoo obo laatijing'a enkoriong; aatung'uaitie pooki. Oi ake eaku meikenakini ninche ena!

¹⁷Kake eitasho Olaitoriani te nkalo ai, naaisho nanu engolon nalimunye ororei te lulung'ata, pee etum iloreren pooki aatoning, neaku aatang'adieki enkutuk o lng'atuny.

¹⁸Ee kaakordu Olaitoriani te ntorroni ake pooki, naaitajeu aaitaany ina kitoo enye e keper metaa enenye enkitoo ntarasi o ntarasi. Eesai.

¹⁹Iroroki Priska o Akuila o enkaji e Onesiforos.

²⁰Etobiko Erasto te Korinto natung'uayie Trofimo emuoi te Mileto.

²¹Tonyuaa tasioku eton eng'or enkata e nkirobi. Kirriwaki Eibulo enkirorokino naa neijia etiu Punten o Lino o Klaudia o lalashera pooki.

²²Metaa Olaitoriani te nebo enkishui ino. Metaa empiris e Nkai te nebo intae.