Read Maasai Bible – Biblia Sinyati Yakobo 3 Bible Online

Yakobo 3 - Maasai Bible – Biblia Sinyati bible

Yakobo 3

¹Emincho ilkumok te intae ilalashera o nkanashera aainei eaku ilaiteng'enak, amu iyiololo aajo ore iyiook pooki ooiteng'enisho naa keiguanareki oleng iyiook te nikintadiak.

²Amu ore iyiook pooki naa eikintadiak too nkumok naa te netii obo lemeitadiak too naajo, oltung'ani lemeeta entiyoto ilo, oidim sii aitoria osesen lenye pooki.

³Ing'ura ti nikipik mbartan isenkenke inkutukie naarewueki, nening iyiook, nikindim aatoboin iseseni lenye pooki anaa enikiyieu.

⁴Eng'ura sii imelin, hoo naa sapuki oleng, nerrumoo olkutati ogol oleng, neutaa ninche enkiti toki aipirie enkalo ake ninye naba anaa enayieu olarewani.

⁵Neijia etiu olng'ejep enkiti rubata to sesen, kake ejo isapuki oleng. Tadamu eneba esapuko e ntim, naidim oloti tiili atapejo?

⁶Ore olng'ejep naa enkima, enkop nebore intorrok ti atua irubat ang, nepik osesen pooki intibil, neinuaaki enkima enkishui o sesen olulung'a te nkima naing'uaa Yehanum.

⁷Amu keidim iltung'ana aaitamo neidipa aaitamo pooki pukunoto oo ng'uesi o motonyi o noo ng'uesi naaiserpepiari te nkop oo noo ng'uesi e naiposha,

⁸kake metii oltung'ani oidim aaitamo olng'ejep, eeta entorroni nemeitirring'a, nebore esayiet nayaisho.

⁹Te ilo ng'ejep kimayian Olaitoriani o Papa, naa ninye kidekie iltung'ana, lelo ooitobiraki te nkitanyaanyukoto e Nkai.

¹⁰Ina kutuk ake eimu emayian o ldeket. Ilalashera o nkanashera aainei mme neijia duoo eishiaakino netiu.

¹¹Keimu enkong'u nabo e nchorro enkare namelok o e naisukut?

¹²Amaa ilalashera laainei, keidim olng'aboli atoiu ilosiyio[1] anaa osabibu ilng'abolo? Meidim sii ninye enchorro naisukut aishoru enkare namelok.

¹³Kaing'ae te intae olng'en neeta endamunoto? Nchoo eitoduaaya te nkishon enye sidai o to lkuaak lenye inkiaasin enyena te mborron e ng'eno.

¹⁴Kake ti niatata olom odua o enyorrata e ate ti atua iltauja linyi, eminya kutukie nimilejishosho aaibooyo esipata.

¹⁵Ore ena ng'eno eitu edou eing'uaa shumata, kake ene nkop, o enoo ltung'ana, o enoo loiriruani.

¹⁶Amu ore enetii olom o enyorrata e kewan, netii olong'oling'oli o empukunoto pooki suuji.

¹⁷Kake ore eng'eno nagut naing'uaa shumata nesila neeta eseriani, nebor, netemaa mbaa, nebore olng'ur, neiu ilng'anayio sidain, nemeeta olng'ash anaa esunkuroisho.

¹⁸Ore enkikesare e supatisho neun ti atua osotua lelo ooitayu osotua.