Read Maasai Bible – Biblia Sinyati Yakobo 4 Bible Online

Yakobo 4 - Maasai Bible – Biblia Sinyati bible

Yakobo 4

¹Kainyoo nayau ilarrabali o nchankari ti atua intae? Aime ing'uarrat inyi naara ti atua intae?

²Iyieuwu nimitumutumu; ina pee, iariara metuata, ning'uarring'uarra, nimindimidimi aanoto, naa ina pee iarara nidumumu olarrabal. Miaatata toki amu miomonunu te Nkai.

³Iomonunu intae nimitumutumu, amu iomonunu te nkoitoi torrono, pee itumokiki aaishang'itie too ng'uarrat oo seseni linyi.

⁴Intae iloololoito, aimiyiololo aajo ore olchore le nkop naa olmang'atinta te Enkai? Ore pooki oyieu neaku olchore le nkop, neitaa kewan olmang'atinta le Nkai.

⁵Anaa aijojo eimesipa isirat oojo, “Ore ina kiyang'et natipika Enkai atua iyiook keeta olom too nguarrat o sesen?”

⁶Kake keisho iyiook empiris nalus, amu ejo isirat, “Keany Enkai iloowuasa neisho empiris ilo obor.”

⁷Entoning naa Enkai, erisha Sheitani, naa keipirri ninye ailany intae.

⁸Entinyikaki Enkai, pee enyikaki sii ninye intae. Entukuo inkaik inyi, intae ilaing'okok, nintukuku iltauja linyi, intae iloo ndamunot maare.

⁹Esinanuoto, ninchirishiri, niyietutu aaishir. Enchoo enkuenia inyi meta enkishirata neaku eng'ida inyi enkimuntut.

¹⁰Entadou ate te dukuya Olaitoriani, pee eilepie ninye intae.

¹¹Emisukenya maate ilalashera laainei, amu ore ilo osukeny olalashe lenye anaa eiguanare olalashe lenye, inkitanapat esukeny, aa ninche eiguanare. Amu te ninguanare inkitanapat, nimira naa olaibung'ani loo nkitanapat, kake itaa oloiguanare.

¹²Obo ake olaishooroni loo nkitanapat o ladung'oni le nkiguana naa ninye oidim aitajeu anaa aitarruoi. Aira iyie ng'ae oiguanare olelatia ino?

¹³ Entoning naa lelo oojo, “Kipuo taata anaa taaisere atua enkanasa naje o enaje nikibik teine olari obo nikimirisho, nikitum dupoto.”

¹⁴Nimiyiololo enayooki atiu taaisere; anaa ainyioo enkishon inyi? Itiuwu ake anaa enkinuku naliooyu enkiti kata, kiti neishunye.

¹⁵Ore enaishiaakino te nijojo. “Naa inchere te naa eyieunoto Olaitoriani, nikinchu nikiaas ena anaa enda.”

¹⁶Kake ore eyia, isisisisi ate to lwuasa. Ore ina kinosata e kutuk pooki naa entorroni.

¹⁷Ore pooki ng'ae oiyiolo ataasa esidai, nemeas, naa eng'oki te ninye.