Read Maasai Bible – Biblia Sinyati 2 Petero 2 Bible Online

2 Petero 2 - Maasai Bible – Biblia Sinyati bible

2 Petero 2

¹Kake enyoito sii apa iloibonok le lejare tiatua olorere, anaa enayooki sii aainyototo tiatua intae ilaiteng'enak le lejare, ooyau too nkisudorot inkiteng'enat naaiminie neitarruoo, nemiki doi ninye Olaitoriani laa ninye oinyiang'ua ninche, neyaki ate enkidaaroto nasieku.

²Naa kesuj ilkumok irrekiei lenye torrok, ore te nkaraki ninche nesukenyi enkoitoi oo sipat.

³Ore te nkowuarisho enye neitorogony intae too rorei loo monko, amu meyiata enkiguana enye e apa, nemeirura erruorroto enye.

⁴Amu amaa te neitu eing'urrie Enkai ilmalaika apa pee eitarruoo, kake etanang'aka ninche atua enkima, meteeni too ngumot e naimin, ometabau enkata enkiguana,

⁵amaa te neitu eing'urrie enapa kop musana, kake etalakua Noa eserian, ilo alikioroni loo supati te nebo kulikae oopishana, pee eyau oloirrag le nkare shumata enkop oo ltung'ana torrok.

⁶Amaa te neibelekenya Enkai inkang'itie e Sodom o Gomora metaa inkuruon, nedung'oki enkiguana neidaikie, neitaa enkitanyaanyukoto e natiu too nkolong'i naapuonu te lelo lemeure Enkai;

⁷naa amaa te neitajewuo Lutu supat, oitanyamala naleng orrekie lo lduruk loo ltung'ana torrok,

⁸ebikito tiatua ninche, nemeyu oltau lenye supat too iasat enye torrok oo nkolong'i pooki.

⁹Neaku keyiolo Olaitoriani enaiko te nekordu too ntemat lelo ooure ninye, o enaiko pee eibooki enkitamioto lelo ooas intorrok o metabau ina olong e nkiguana

¹⁰neisulaki lelo oosuj ing'uarrat naaidurukie osesen nemen enkitoria e Nkai. Ilootolo negogong, nemeure ninche aatamor ilo oata enkitoo e shumata.

¹¹Ore ninye ilmalaika oolusoo te nkidimata o te ngolon, eitu eyau enkitang'oroto e nkiguana torrono shumata ninche te dukuya Olaitoriani.

¹²Kake ore kulo ootiu anaa ing'uesi nemedamisho, ooitore ing'uarrat e atua ate, ilootoiwuoki pee eibung'i neari metuata, iloomorisho too mbaa nemeyiolo, keidaikieki ninche teina kidaaroto te nebo ninche.

¹³Netum osina torrono te nkaraki iasat enye torrok, nedol ninche anaa olkar te nemera dama, intibil ninche o ntiyot, edaa te nkilepilep, epepeeno enyaita osirua te nebo intae.

¹⁴Neeta inkonyek naabore eloloito, nemeraposho aekata eas ing'ok. Nelejaa iltauja lemeuno, neeta iltauja ooitamooki ing'uarrat nemeishiaakino, Inkera o Ldeket!

¹⁵Etung'uaitie enkoitoi naitoriori, eibaabaa aasuj inkoitoi e Balaam olayioni le Beor, otonyorra dupoto naing'uaa easata oo ntorrok.

¹⁶Kake etabuaakaki te nkaraki natigila ninye makewan inkitanapat; airo osikiria lemeeta enkutuk to ltoilo lo ltung'ani; aibooyo oloirirua le ilo oiboni.

¹⁷Ore kulo naa inchorroi nemetii enkare, inkinukun naareu olkutati, amu ninche eitaanyaki emisimisi o lodo le nkop.

¹⁸Amu keiro ninche imbaa o lwuasa le pesho, neitasur too yieunot o sesen, o ng'uarrat torrok lelo tung'ana laa enailanyie lelo ootoni tiatua inkitadiaat.

¹⁹Eisiligie ninche lelo elakunoto, ore ninche maate naa isinkan le ntorroni; amu ore pooki naidimu oltung'ani neaku ninye osinka le ina naidimua ninye.

²⁰Amu amaa eidipa ailanya ilduruki le nkop te yiolounoto o Laitoriani naa Olaitajeunoni lang Yesu Kristo, neitoki ake aaisho metarrueshi te ninche, neidimuni, ore imbaa enye e nkiting'oto neaku torrok te ninche oleng aalang ine dukuya.

²¹Amu enaikash te ninche te neitu apa eitasim aaiyiolou nkoitoi e sipata, alang teneyiolou ina oitoi, neitoki aaibelekenya aaing'uaa ina kitanapata sinyati naishooki ninche.

²²Etotiwuo te ninche anaa endung'et e rashe nasipa inchere, “Keshukokino oldia irrugumat enyena,” neji sii “Naa keisuji embitir neitoki ashukokino olokidong'oi aiperipera.”