Read Свето Писмо (Гаврилова) 1990 Битие 10 Bible Online

Битие 10 - Свето Писмо (Гаврилова) 1990 bible

Битие 10

¹А ова е родословот на синовите Ноеви: Сим, Хам и Јафет, на кои по потопот им се родија синови.

²Синовите на Јафета се: Гомер, Магог, Мадај, Јаван, Елиса, Тувал, Месех и Тирас.

³А синовите Гомерови се: Аскеназ, Рифат, и Тогарма.

⁴Синовите, пак, Јаванови се: Елиса, Тарсис, Китим и Доданим.

⁵Од нив се разгранаа острови на народи во земјите нивни, секој според јазикот свој, според родот свој, и народот свој.

⁶Хамовите синови се: Хус и Месраим, Фут и Ханан.

⁷А синовите Хусови: Сава, Евила, Савата, Регма и Саватака. Синовите, пак, Регманови се: Сава и Дадан.

⁸Хус го роди Нимрода; а тој прв стана силен на земјата;

⁹беше добар ловец пред Господа Бога; затоа се вели: — добар ловец пред Господа како Нимрод — .

¹⁰А почетокот на неговото царство беше: Вавилон, Орех, Аркад и Халне, сите во земјата Сенар.

¹¹Од таа земја излезе Асур, и ја соѕида Ниневија и Ровот град, и Халах,

¹²и Дасем меѓу Ниневија и Халах; тој е град голем.

¹³Од Месраима произлегоа Лудејците, Енамејците, Лавијците, Нефталејците,

¹⁴па Патрусејците и Хасмејците, од кои водат потекло Филистејците и Гафторејците.

¹⁵А Ханан го роди Сидона, првенец свој, и Хета,

¹⁶потоа Јевусејците, Аморејците, Гергесејците,

¹⁷Евејците, Арукејците, Асенејците,

¹⁸Арадејците, Самарејците и Аматејците. А потоа племињата ханански пак се расеаја.

¹⁹Пределите, пак, ханански беа од Сидон кон Герар до Газа, и потоа до Содом, Гомор, Адма и Севоим па сѐ до Даса.

²⁰Тоа се синовите Хамови, според семејствата нивни, според јазиците нивни, во нивните земји и во народите свои.

²¹И на Сим му се родија синови, на постариот брат Јафетов, татко на сите синови Еверови.

²²А синовите Симови беа: Елам, Асур, Арфаксад, Луд и Арам.

²³Синовите, пак, Арамови се: Уз, Хул, Гатер и Мас.

²⁴Арфаксад го роди Сала, а Сала го роди Евера.

²⁵На Евера му се родија двајца синови: на едниот му беше име Фалек, зашто во неговото време се раздели земјата, а името на брата му беше Јектан.

²⁶Јектан го роди Елмодада, Салета, Сармота и Јареха,

²⁷Одора, Евила и Декла,

²⁸па Евала, Авимаила и Сева,

²⁹потоа Уфира, Евила и Јовава, и сите тие беа синови Јектанови.

³⁰Живеалиштата им беа од Маса до Сефар, гора источна.

³¹Тоа се Симовите синови според семејствата нивни, според јазиците нивни, во нивните земји и во нивните народи.

³²Тоа се семејствата на синовите Ноеви според нивните родови, и според јазиците нивни. Од нив се разделија острови на народи во земјата по потопот.