Read Свето Писмо (Гаврилова) 1990 3 Царства 4 Bible Online

3 Царства 4 - Свето Писмо (Гаврилова) 1990 bible

3 Царства 4

¹Царот Соломон беше цар над сиот Израил.

²И еве кои беа неговите кнезови: Азарија, син на свештеникот Садок;

³Елихореф и Ахија, синови на Сива — писари; Јосафат, Ахилудов син — летописец;

⁴Ванеја, Јодаевиот син, — војвода, Садок и Авијатар — свештеници;

⁵Азарија, Натановиот син, — началник на управителите, и Завут, син на свештеникот Натан, — пријател на царот;

⁶Ахисар, — управник на царскиот дом, а Адонирам, — син Авдин — на даноците.

⁷Соломон имаше дванаесет управници над сиот Израил, кои му доставуваа храна на царот и на неговиот дом; секој беше должен да доставува храна за по еден месец во годината.

⁸Еве ги имињата нивни: синот Уров — на Ефремовата гора;

⁹синот на Декер — во Макас и во Салвим, во Ветсамис, во Елон и во Вет-Анан;

¹⁰синот Седафоф — во Арувот; нему исто така му припаѓаше Сохот и целата земја Оферова;

¹¹синот на Аминадав — над целиот крај Дор; а Тафат, Соломоновата ќерка, беше негова жена;

¹²Вана, Ахилудовиот син, во Тенах и Мегидон, и во целиот Вет-Сан кој е блузи до Сартан под Језраел, од Вет-Сан до Авел-Мехол, и дури зад Јок-Меам;

¹³синот Геверов — во Рамот Галадски; нему му припаѓаа селата на Јаира, Манасиев син, кои се во Галад; нему му припаѓаше и областа Аргов, во Васан, шеесет големи градови со ѕидови и бакарни резиња;

¹⁴Ахинадав, Идов син, во Маханаим;

¹⁵Ахимас, во земјата Нефталимова; тој си ја беше земал за жена Васемата, Соломонова ќерка;

¹⁶Вана, Хусев син, во земјата Асирова и во Алот;

¹⁷Јосафат, Фаруев син, во земјата Исахарова;

¹⁸Семеј, синот на Ила, во земјата Венијаминова;

¹⁹Гевер, Уриев син, во земјата Галадска, во земјата на аморејскиот цар Сион, и на васанскиот цар Ог. Тој беше управник на таа земја.

²⁰Јудејците и Израил, бидејќи многубројни како песокта при морето, јадеа, пиеја и се веселеа.

²¹Соломон владееше со сите царства од реката Ефрат до Филистејската земја и до границата на Египет. Тие принесуваа дарови и му служеа на Соломона во сите дни на животот негов.

²²Секојдневната храна на Соломона беше: тиесет кори пченично брашно и шеесет кори друго брашно,

²³десет згоени волови и дваесет волови одбрани и сто овци, освен елени и срни, и диви кози и птици;

²⁴зашто тој господареше над целата земја од оваа страна на реката, од Тапса до Газа, над сите цареви од оваа страна на реката, и имаше мир со сите околни земји.

²⁵И живееја Јудејците и Израил спокојно, секој под лозата своја и под смоквата своја, од Дан до Врисавија, преку сите Соломонови дни.

²⁶Соломон имаше четириесет илјади коњи за коли и дванаесет илјади за коњицата.

²⁷И управниците му доставуваа на цар Соломона сѐ што требаше за царската трпеза, секој во својот месец, и не дозволуваа да има недостиг од ништо.

²⁸Исто така и јачмен, и слама за коњите и за маските доставуваше секој навремено во местото, каде што се наоѓаше царот.

²⁹А Бог му даде на Соломона мудрост, многу голем разум и широк ум како песокта на морскиот брег.

³⁰И Соломоновата мудрост беше поголема од мудроста на сите синови на Исток, од сета мудрост на Египтјаните.

³¹Тој беше помудар од сите луѓе, помудар и од Гетана Језраилецот и од Емана, и од Халкада и Дарда, Самадовиот син, и името негово се славеше по сите околни народи.

³²Тој изрече три илјади мудри изреки, а песните негови беа илјада и пет;

³³тој изговори и за дрвјата, од кедар, што е во Ливан, до исоп, што никнува по карпите; тој говореше и за животните, за птиците, за влекачите и за рибите.

³⁴И од сите народи доаѓаа да ја чујат Соломоновата мудрост, и сите земни цареви, што беа слушале за неговата мудрост.