Read Свето Писмо (Гаврилова) 1990 3 Царства 6 Bible Online

3 Царства 6 - Свето Писмо (Гаврилова) 1990 bible

3 Царства 6

¹Во четиристотини и осумдесеттата година по излгувањето на Израилевите синови од Египетската земја, во четвртата година на Соломоновото царување над Израилот, во месец Зиф, кој е втор месец, Соломон почна да Му гради храм на Господа.

²А храмот, што цар Соломон Му го изгради на Господа, беше долг шеесет лакти, широк — дваесет и висок — триесет лакти;

³тремот пред храмот беше долг дваесет лакти, според ширината на храмот, и широк — десет лакти пред храмот

⁴Во храмот тој направи прозорци, затворени со решетки.

⁵И направи доградба околу ѕидовите на храмот, околу храмот и Свјатаја Свјатих; а направи и странични соби наоколу.

⁶Долниот кат на зградата беше широк пет лакти, средниот широк — шест лакти, а третиот — широк седум лакти; зашто околу храмот надвор беа направени растојанија за доградба да не допираат до ѕидовите на храмот.

⁷Кога се градеше храмот, за градење се употребуваа делкани камења, така што за време на градењето на храмот не се слушаше, ни чекан, ни тесла, ниту некакво друго железно орудие.

⁸Вратата на средниот кат беше десно од храмот. По тркалезни скали се искачуваа на вториот кат а од вториот — на третиот.

⁹Така го изгради тој храмот, го изгради и го обложи со кедрови штици.

¹⁰и догради до целиот храм странични соби, високи пет лакти; тие беа прикрепени кон храмот со кедрови греди.

¹¹И би слово Господово кон Соломона, и му беше речено:

¹²»Ете, ти градиш храм: ако одиш по Моите закони, ако постапуваш по Моите наредби и ако ги пазиш сите Мои заповеди, управувајќи се според нив, Јас ќе го исполнам врз тебе словото Свое, што му го бев кажал на татка ти Давида;

¹³И ќе живеам среде Израилевите синови и нема да го оставам Мојот народ Израилот.«

¹⁴И така, Соломон го изгради храмот и го заврши.

¹⁵Ги обложи ѕидовите на храмот однатре со кедрови штици; од подот до потонот ти обложи однатре со дрво, а подот на храмот го покри со кипарисови штици.

¹⁶а во задната страна на храмот на дваесет лакти од крајот, издигна ѕид и ги обложи ѕидовите и подот со кедрови штици, и направи простор за Свјатаја-Свајтих.

¹⁷А храмот, само предниот дел на храмот, имаше четириесет лакти.

¹⁸По кедарот однатре имаше резби, слични на краставички и распукнати цветови; сѐ беше покриено со кедар, камен не се гледаше.

¹⁹А внатре во храмот тој подготви оддел за да го постави таму ковчегот нз заветот Господов.

²⁰Одделот беше долг дваесет лакти, широк дваесет лакти, и висок дваесет лакти; тој го опкова со чисто злато; исто така го опкова и кедровиот жртвеник.

²¹Одвнатре, Соломон го опкова храмот со чисто злато, и протегна златни вериги пред Свајтаја Свјатих, и ја опкова со злато.

²²Целиот храм тој го обложи со злато, целиот храм докрај, и целиот жртвеник, што е пред Свјатаја-Свјатих, го опкова со злато.

²³А во Свјатаја-Свјатих направи два херувима од маслиново дрво, високи по десет лакти

²⁴Едното крило на херувимот беше долго пет лакти и другото крило на херувимот — пет лакти; десет лакти имаше од едниот крај на крилјата негови до другиот крај на крилјата негови.

²⁵Десет лакти имаше и другиот херувим; еднаква мерка и еднаков облик имаа двата херувима.

²⁶Височината на едиот херувим беше десет лакти, исто така и на другиот херувим.

²⁷Тој ги постави херувимите среде внатрешниот дел на храмот. А крилјата на херувимите беа раширени, и крилото на едниот се допираше до едниот ѕид, а крилото на другиот херувим допираше до другиот ѕид; другите нивни крилја пак се среќаваа крило со крило среде храмот.

²⁸Тој ги обложи херувимите со злато.

²⁹И по сите ѕидови на храмот наоколу издлаби ликови на херувими, палми и расцутени цветови, однатре и однадвор.

³⁰И подот на храмот го опкова со злато во внатрешниот и предниот дел.

³¹За влез во Свјатаја Свјатих тој направи врата од маслиново дрво со петоаглони спојки.

³²На двете половини на вратата од маслиновото дрво тој издлаби херувими, палми и расцутени цвеќиња и ги обложи со злато; го покри со злато и херувимите и палмите.

³³И при влезот на храмот тој направи четириаголни столбови од маслиново дрво

³⁴и две врати од кипарисово дрво; двете половинки на едната врата беа подвижни, и двете половинки на другата врата исто така беа подвижни.

³⁵Издлаби по нив херувими, палми и расцутени цвеќиња и ја обложи резбата со злато.

³⁶И внатрешниот трем го направи од три реда делкани камења и од еден ред кедрови греди.

³⁷На четвртата година, во месецот Зиф, вториот месец, тој ги беше положил основите на храмот Господов,

³⁸а на единаесеттата година, во месецот Вул, тоа е осмиот месец, — тој го заврши храмот со сите негови принадлежности и според сите негови преднацрти. Соломон го градеше храмот седум години.