Read Свето Писмо (Гаврилова) 1990 1 Летописи 26 Bible Online

1 Летописи 26 - Свето Писмо (Гаврилова) 1990 bible

1 Летописи 26

¹Еве го распоредот на вратарите: од Кореевците: Моселемија, Кореев син, од синовите Асафови.

²Синови Моселемиеви: првороден Захарија, втор — Јадиил, трет — Завадија, четврти — Јатанаил,

³петти — Олам, шести — Јонатан, седми — Елионај.

⁴Синови Авдедови: првороден Самија, втор — Јозават, трет — Јоат, четврти — Сахар, петти — Ротануил,

⁵шести — Амиил, седми — Исахар, осми — Фелатиј, зашто Бог го беше благословил.

⁶На синови негов Самија му се родија исто така синови, кои беа началници во родот свој, бидејќи беа мажи силни.

⁷Синови Семееви: Отни, Рафаил, Овид и Елзавад, и Јахија и неговите браќа, мажи храбри: Елија, Савахија и Исваком.

⁸Сите тие беа од синовите на Авдедома; тие и синовите нивни и браќата нивни беа мажи погодни и за служба способни: Авдедом ги имаше шеесет и двајца.

⁹Моселемиј имаше синови и браќа, мажи способни — осумнаесет.

¹⁰Осиј, од синовите Мерариеви, ги имаше синовите: Симриј, старешина, иако не беше првенец, но татко му го беше поставил за старешина;

¹¹втор — Хелкија, трет, — Тавелија, четврти — Захарија; сите синови и браќа на Оса беа тринаесет.

¹²Тоа беше распоредот на вратарите според старешините на родовите, способни за служба заедно со браќата свои, за да служат во домот Господов.

¹³Тие фрлија жреб, како малиот, така и големиот, според домовите на своите татковци, за секоја врата.

¹⁴Жребот за источната му се падна на Селимија; фрлија жреб и за синот негов Захарија, умен советник, и жребот му се падна за северната.

¹⁵На Авдедома — за јужната, а на синовите негови — при ризниците.

¹⁶На Есефеима и на Оса на запад при Салехетската врата, каде што патот се издига угоре и каде што стои стража спроти стража.

¹⁷Кон исток имаше по шестмина левити, кон север — по четири, кон југ — по четири, а при ризниците — по двајца.

¹⁸Кон запад на патот при тремот — по четири, а при самиот трем — по двајца.

¹⁹Тоа беше распоредот на вратарите од синовите Корееви и синовите Мерариеви.

²⁰А браќата нивни левитите ја надгледуваа ризницата на домот Божји и на ризницата на посветените работи.

²¹Меѓу синовите на Ладана, Гирсонов син, меѓу старешините на домовите од Ладана Гирсонски, беше Јехиел.

²²И синовите Јехиелови: Земет и братот му Јоил ја надгледуваа ризницата на Господовиот дом,

²³заедно со потомците на Амврама, Исара, Хеврона и Озиила.

²⁴Суваил, син на Герсона, Мојсеев син, беше старешина на ризниците.

²⁵Брат му Елиезер имаше син Равија, а тој — син Јосија, а тој — син Јорам, а тој — син Зехриј, а тој — син Саломот.

²⁶Саломот и браќата негови ги надгледуваа сите ризници на светите работи, што ги беше посветил царот Давид и кнезовите и илјадниците, стотниците, и војводите на војската.

²⁷Од војните и од пленот тие посветуваа за одржување на домот Господов.

²⁸И сѐ, што беше посветил Самуил пророкот, и Саул, синот Кисов, и Авенир, синот Ниров, и Јоав, синот Саруев, сето посветено беше под рацете на Саломота, и браќата негови.

²⁹Од родот Исаров: Хонанија и синовите негови беа одредени за надворешна служба во Израилот, за писари и судии.

³⁰Од родот Хевронов: Асавија и браќата негови, храбри мажи, илјада и седумстотини, имаа надзор над Израилот, од оваа страна на Јордан, кон исток, за сите работи во службата Господова и во царската служба.

³¹Во родот Хевронов Урија беше началник на Хевроновците, во нивните родови, во поколенијата нивни. Тие беа преброени во четириесеттата година од Давидовото царување, и меѓу нив се најдоа јунаци мажи во Јазир Галадски.

³²И браќата негови, мажи способни, две илјади и седумстотини, беа началници на домовите. Нив ги постави царот Давид над племето Рувимово и Гадово и полуплемето Манасиево за сите Божји и царски работи.