Read Свето Писмо (Гаврилова) 1990 2 Летописи 8 Bible Online

2 Летописи 8 - Свето Писмо (Гаврилова) 1990 bible

2 Летописи 8

¹Откако, изминаа дваесет години, во кое време Соломон го градеше домот Господов и својот дом,

²Соломон ги изгради и градовите, што му ги беше дал Хирам, и ги всели во нив синовите Израилеви.

³Потоа отиде Соломон против Емат-Сува и го презеде.

⁴Го изгради Тедмор во пустињата и сите градови за житници, какви што направи во Емат.

⁵Го изгради Горни Веторон и Долни Веторон, градови утврдени со ѕидишта, порти и резиња,

⁶и Валат и сите градови за складови, во кои Соломон имаше житници, сите градови за коли и градови за коњица, и сѐ што сакаше да изгради Соломон во Ерусалим и во Ливан и по целата земја на своето владение.

⁷Сите луѓе, останати од Хетејците, Аморејците, Ферезејците, Евејците и Јевусејците, што не беа од синовите Израилеви, —

⁸децата нивни, останати по нив на земјата, кои синовите Израилеви не ги беа истребиле — Соломон ги потчини и принуди да плаќаат данок дури и до денес.

⁹А синовите Израилеви Соломон што не ги направи слуги за свои работи, тие беа војници и поглавари над војводите негови и заповедници на колите и коњицата негова.

¹⁰Главните настојници, што управуваа со народот при царот Соломон, беа двесте и педесет.

¹¹Соломон ја пренесе ќерката Фараонова од Давидовиот град во домот, што го изгради за неа, зашто, велеше тој, жена не смее да живее при мене во домот на Израилевиот цар Давида, бидејќи домот е осветен: во него е влезен ковчегот Господов.

¹²Тогаш Соломон почна да Му принесува сепаленици на Господа на жртвеникот Господов, што беше го изградил пред тремот,

¹³за принесување сепаленици, според наредбите секој ден, како што беше заповедал Мојсеј, во саботите и во новомесечијата и во празниците трипати во годината: во празникот на Бесквасници, во празникот на Седмици и во празникот Сеници.

¹⁴И ги установи, според распоредот на татка си Давида, смените и свештениците според службата нивна, на левитите според стражите нивни, за да славословат и да служат при свештениците според уставот за секој ден, и на вратарите според смените нивни, при секоја врата, бидејќи таква беше заповедта на Давида, Божјиот човек.

¹⁵И не отстапуваа од царевите заповеди за свештениците и за левитите во ништо, ниту пак за ризницата.

¹⁶Така беше уредено целото дело на Соломона од денот, кога се основа домот Господов, до целосното завршување негово.

¹⁷Тогаш отиде Соломон во Гасион-Гавер и во Елат, што е на морскиот брег, во земјата Идумејска.

¹⁸И Хирам му испрати по свои слуги кораби и слуги, што го знаеја морето, и тие отидоа со слугите Соломонови во Офир, од каде што изнесоа четиристотини и педесет таланти злато, и му го донесоа на царот Соломон.