Read Свето Писмо (Гаврилова) 1990 Неемија 11 Bible Online

Неемија 11 - Свето Писмо (Гаврилова) 1990 bible

Неемија 11

¹И се населија кнезовите народни во Ерусалим, а другите од народот фрлија жреб, за еден од десетте делови нивни да живее во градот Ерусалим, а деветте — во другите градови.

²И народот ги благослови сите, кои доброволно се согласија да живеат во Ерусалим.

³Еве ги старешините на земјата, што живееја во Ерусалим, — а во градовите на Јудеја сите живееја на својот имот, по градовите свои: Израилците, свештениците, левитите и Нетинејците, и синовите на Соломоновите слуги.

⁴Во Ерусалим се настанија и некои од синовите Јудини и од синовите Венијаминови; од Јудините синови: Атаија, син на Озија, син Захариев, син Амариев, син Сафатиев, син Малелеилов, од синовите Фаресови,

⁵и Масија, син на Варуха, син Колхозеев, син Хазаиев, син Адаиев, син Јоариев, син Захариев, син Еилониев.

⁶Сите Фаресови синови, што живееја во Ерусалим, беа четиристотини и шеесет и осум, храбри луѓе.

⁷А, еве, ги синовите Венијаминови: Силон, син Месуламов, син Јоадов, син Фадаиев, син Јолиев, син Масиев, син Етилев, син Јесеев,

⁸и по него Гевеил Силиев — деветстотини и дваесет и осум.

⁹Јоил, синот Захариев, беше началник над нив, а Јуда, синот Сенуиев, беше втор над градот.

¹⁰Од свештениците: Јадија, син Јоариев, Јахин.

¹¹Сареја, син Елхиев, син Месуламов, син Садуков, син Мериотов, син Етодов, началник на Божјиот дом,

¹²и нивните браќа, кои вршеа служба во Божјиот дом, — осумстотини и дваесет и двајца; и Адаија, син Јероамов, син Фалалиин, син Намасов, син Захариев, син Фасетуров, син Мелхиев,

¹³и браќата негови, старешини на родовите — двесте четириесет и двајца; и Амесај, син Ездриилов, син Азаев, син Месилимотов, син Емиров,

¹⁴и браќате негови, мажи воинствени — сто и дваесет и осум. Началник им беше Завадиил, син на големите.

¹⁵А од левитите: Самаија, син Асувов, син Езрикамов, син Асавиин, син Воинин,

¹⁶и Саватеј, и Јозавад од левитските началници за надворешни работи на Божјиот дом,

¹⁷и Матанија, син на Миха, син Зехриев, син Асафов, водител при славословието, а Јуда на молитвата, и Вокхија, втор по него од браќата негови, и Авдија, син Самеев, син Галелов, син Идитунов.

¹⁸Сите левити од светиот град беа двесте и осумдесет и четири.

¹⁹А вратари: Акув, Теламин и браќата нивни, стражари при портите — сто и седумдесет и двајца.

²⁰Другите Израилци, свештениците и левитите, живееја по сите градови на Јудеја, секој во својот дел.

²¹А Нетинејците живееја во Офел: над Нетинејците беа Сијај и Гесф.

²²Началник на левитите во Ерусалим беше Озиј, син Ваниин, син Савиев, син Матаниев, син Михаев од синовите Асафови, кои беа певци при службата на Божјиот дом;

²³зашто од царот имаше за нив посебна заповед, и беше одредена плата за певците за секој ден одредена.

²⁴И Фетеја, син Масиозавилов, од синовите на Зара, Јудин син, беше заменик на царот за сите работи, што се однесуваа на народот.

²⁵Од оние, пак, што беа по селата, на нивите свои, некои од Јудините синови живееја во Киријат-Арба и во нејзи потчинетите градови, во Диван и во потчинетите му градови, во Јекавсеил и во селата негови,

²⁶во Јесуја, во Молада и во Ветфалад,

²⁷во Асерсал, во Вирсавија и во градовите, нејзе потчинети,

²⁸во Секелаг, во Макне, и во нему потчинетите градови,

²⁹во Ремаон, во Сара и во Јеримут,

³⁰во Заиној, Одолам и селата нивни, во Лахис и полињата негови, во Азик и во потчинетите му градови; тие се беа сместиле од Вирсавија дури до Емоновата долина.

³¹Синовите Венијаминови — почнувајќи од Гева, во Махмас до Ветил и во сите села негови,

³²во Анатот, Нов, Аниија,

³³Асор, Рама, Гетаим,

³⁴Адод, Севоим, Навалат,

³⁵Лида, Оно и во долината Сногијарасим.

³⁶Во деловите на Јуда и Венијамина свои населби имаа и левитите.