Read Свето Писмо (Гаврилова) 1990 Неемија 3 Bible Online

Неемија 3 - Свето Писмо (Гаврилова) 1990 bible

Неемија 3

¹И стана Елијашив, големиот свештеник, и браќата негови, свештеници, и изградија Овчи Порти: ги осветлија и ги ставија вратите нивни и ги осветлија од кулата Меа до кулата Хананела.

²До него градеа Јерихонците, а до нив градеше Закхур, син Аманиев.

³Рибна Порта изградија синовите Асанаеви: тие ги покрија и ги ставија вратите нивни, клучалниците нивни и резињата нивни.

⁴До нив Меремот, син на Урија, син Акосов, го поправаше ѕидот; до нив Мосолам, син Варахиев, син Мозевилов; до нив поправаше Садок, син Ванин.

⁵До нив поправаа Текојци; но некои од нив, повидните, не го свиткаа грбот за да поработат за својот Господ.

⁶Старите порти ги поправаа Јоизда, син Пасеахов, и Мешулам, син Весодиев; ти ги покрија и ги ставија вратите нивни, клучалките нивни и резињата нивни.

⁷До нив поправаше Малтија, Гаваонец, и Јадон од Меронот, со жителите на Гаваон и Масфа, потчинетите на задречниот кнез.

⁸До него поправаше Озиил, син Архиев, златар, а до него поправаше Ананија, син Ракеимов. Тие го обновија Ерусалим до широкиот ѕид.

⁹До нив поправаше Рефаија, син Суров, началник на Ерусалимскиот полукруг.

¹⁰До нив и спроти куќата своја поправаше Једаија, син Ероматов, а до него поправаше Атут, син Асаваниев.

¹¹На вториот дел поправаше Мелхија, син Мрамов, и Асув, Фет-Моавов син; тие исто така ја поправаа и Кулата кај печката.

¹²До нив поправаше Салум, Алаисов син, началник на Ерусалимскиот полуокруг, — тој и ќерките негови.

¹³Долинските Порти ги поправаше Анун, и жителите од Занон: тие ги изградија и ги ставија вратитие нивни, клучалките нивни и резињата нивни: Тие уште поправаа и илјада лакти од ѕидот до Гноишните Порти.

¹⁴А Гноишните Порти ги поправаше Мелхија, Риханов син, начланик на Виткрамскиот округ: тој ги изгради и ги стави вратите нивни, клучалките нивни и резињата нивни.

¹⁵Изворните Порти ги поправаше Соломон, Халезеов син, началник на округот Мисфа: тој ги изгради, ги покри и ги стави вратите нивни, клучалките нивни и резињата нивни; тој го поправаше и ѕидот при бањата Силоам, спроти царската градина и од скалите, што слегуваа од Давидовиот град.

¹⁶По него поправаше Неемија, Завухов син, начланик на Битсрускиот полукруг, до Давидовите гробници и до ископаното езеро и до куќата на храбрите.

¹⁷По нив поправаа левитите: Рехум, Ваниев син; до него поправаше, за својот округ, Асавија, началник на Кеилскиот полукруг.

¹⁸По нив поправаа браќата нивни: Венеи, Инададов син, началник на Келилскиот полуокруг.

¹⁹А до него поправаше Азур, Исусов син, начланик на Мисфа, на вториот дел, спроти излезот кон оружницата на аголот.

²⁰По него ревносно поправаше Варух, Завуев син, на вториот дел, од аголот до куќната врата на Елијасува, големиот свештеник.

²¹По него поправаше Мерамот, син на Урија, син Акосов, на вториот дел, од куќната врата на Елијасивови до крајот на Елијасивовата куќа.

²²По него поправаа свештениците од околината.

²³По него поправаа Венијамин и Асув, спроти својата куќа; по нив поправаше Азарија, син на Масија, Ананиев син, до куќата своја.

²⁴По него поправаше Ванеј, син Ададов, на вториот дел, од Азариевата куќа до аголот и свиокот.

²⁵По него — Фалах, Узаинов син, спроти аголот и кулата, што се издига од горниот царски дом при затворскиот двор. По него Фадаија, Фаросов син.

²⁶А Нетинејците, што живееја во Офал, поправаа спроти Водните Порти кон исток и до издадената кула.

²⁷По нив поправаа Текојците, на другиот дел, на местото спроти големата издадена кула до Офалскиот ѕид.

²⁸Од Конските Порти понатаму поправаа свештениците, секој спроти куќата своја.

²⁹По нив поправаше Садок, Сехениев син, чувар на источните порти.

³⁰По него поправаше Ананија, Шелемиев син, и Ханун, шестиот син Цалафов, на вториот дел. По него поправаше Мешулам, Верехиев син, спроти собата своја.

³¹По него поправаше Малхија, Хацорфиев син, до куќата на Нетинејците и трговците, спроти Хамифкадските Порти дури до аголната горнина.

³²А меѓу аголната горнина и Овчите Порти поправаа златари и трговци.