Read Свето Писмо (Гаврилова) 1990 Неемија 7 Bible Online

Неемија 7 - Свето Писмо (Гаврилова) 1990 bible

Неемија 7

¹Кога ѕидот беше изграден, и ги ставија вратите, а и вратарите беа пставени на службата своја, и певците и левитите,

²тогаш му заповедав на братот мој Ананија и на началникот на домот во Ерусалим, бидејќи тој беше од многу други поверен и побогобојазлив,

³и им реков: нека не ги отвораат ерусалимските порти, додека не изгрее сонцето; и вечер, додека вратарите се наоѓаат тука, нека ги затвораат и заклучуваат портите. И определив стражари од жителите ерусалимски, секој на своја стража и секој спроти куќата негова.

⁴Но градот беше широк и голем, а народ во него имаше малку, и куќите не беа изградени.

⁵И Бог мој ми вложи во срцето да ги соберам првенците и началниците и народот, за да извршам пребројување. Па го најдов родословниот список на оние што беа дошле први; во него беше напишано:

⁶ова се жителите на земјата, што се вратија од пленство, каде што беа преселени од вавилонскиот цар Навуходоносор, и се вратија во Ерусалим и Јудеја, секој во својот град, —

⁷оние, што тргнаа со Зоровавела, Исуса, Неемија, Азарија и Велма, Наемана, Мардохеја, Васана, Масфара, Ездра, Вогуја, Инаума, Вана и Масфара, бројот на народот Израилев:

⁸синовите Фаросови — две илјади и сто и седумдесет и двајца.

⁹Синовите Сафатиеви — триста и седумдесет и двајца.

¹⁰Синовите Ираеви — шестотини и педесет и двајца.

¹¹Синовите Фет-Моавови — Исусови и Јоавови — две илјади и осумстотини и осумнаесет.

¹²Синовите Еламови — илјади и двесте и педесет и четири.

¹³Синови Затуеви — осумсторини и четириесет и пет.

¹⁴Синовите Заханеви — седумстотини и шеесет.

¹⁵Синовите Вануеви — шестотини и четириесет и осум.

¹⁶Синовите Вереиеви — шестотини и дваесет и осум.

¹⁷Синовите Гетадови — две илјади и триста и дваесет и двајца.

¹⁸Синовите Адоникамови — шестотини и шеесет и седум.

¹⁹Синовите Вагуеви — две илјади и шестотини и седум.

²⁰Синовите Адинови — шестотини и педесет и пет.

²¹Синовите Атирови, од Езекиевиот дом — деведесет и осум.

²²Синовите Исамиеви — тирста и дваесет и осум.

²³Синовите Васееви, триста и дваесет и четири.

²⁴Синовите Арифови — сто и дванаесет.

²⁵Родените во Гаваон — деведесет и пет.

²⁶Жителите од Витлеем и Нетофа — сто и осумдесет и осум.

²⁷Жителите од Анатот — сто и дваесет и осум.

²⁸Жителите од Вет-Асмавет — четириесет и двајца.

²⁹Жителите од Киријат-Јарим, Кафер и Вирот — седумстотини и четириесет и тројца.

³⁰Жителите од Рама и Гава — шестотини и дваесет и еден.

³¹Жителите од Махмас — сто и дваесет и двајца.

³²Жителите од Ветил и Гај — сто и дваесет и тројца.

³³Жителите од другиот Невон — педесет и двајца.

³⁴Синовите од другиот Елам — илјади и двесте и педесет и четворица.

³⁵Синовите Арамови — триста и дваесет.

³⁶Родени во Јерихон — триста и четириесет и пет.

³⁷Родени во Лод, Адид и Оно — седумстотини и дваесет и еден.

³⁸Родени во Сенеја — три илјади и деветстотини и триесет.

³⁹Свештениците: синови Јодаеви, од Исусовиот дом — деветстотини седумдесет и тројца.

⁴⁰Синови Емирови — илјада и педесет и двајца.

⁴¹Синови Фасеурови — илјада и двесте и четириесет и седум.

⁴²Синови Ирамови — илјада и седумнаесет.

⁴³Левитите: синови Исусови, од Кадмииловиот дом, од домот на Удуловите синови — седумдесет и четири.

⁴⁴Певците: синови Асафови — сто и четириесет и осум.

⁴⁵Вратарите: синови Салумови, синови Атирови, синови Талмонови, синови Акувови, синови Атитови, синови Соваеви — сто и триесет и осум.

⁴⁶Нетинејци: синовите на Илај, синовите на Асефа, синови Јаваотови,

⁴⁷синовите Кирасови, синовите на Сисанија, синовите Фадонови,

⁴⁸синовите на Лавана, синовите на Агава, синовите Салмаеви,

⁴⁹синовите Ананови, синовите Гиделови, синовите Гарови,

⁵⁰синовите Реајеви, синовите Ресинови, синови на Некода,

⁵¹синовите Гизамови, синовите Озаови, синовите Фесови,

⁵²синовите Висаеви, синовите Меунимови, синовите Нафусесимови,

⁵³синовите Ваквукови, синовите на Акуфови, синовите Арурови,

⁵⁴синовите Васалтови, синовите на Мида, синовите Адасанови,

⁵⁵синовите Варкуеви, синовите на Сисара, синовите Тимаеви,

⁵⁶синовите Нисиниеви, синовите на Атифа.

⁵⁷Синовите на слугите Соломонови: синовите Сутеинови, синовите Сафаратови, синовите на Ферида,

⁵⁸синовите на Лели, синовите на Доркон, синовите Годаилови,

⁵⁹синовите Сефатиеви, синовите Атилови, синовите од Харет, синовите Амониеви.

⁶⁰Сите Нетинејци и синовите од слугите Соломонови — триста и деведесет и двајца.

⁶¹Еве ги и оние што излегуваа од Телмелех, Тел-Арис, Херув, Адон и Имир, но не можеа да го кажат поколението свое и родот свој, дали се и тие од Израилот:

⁶²синовите Делаиеви, синовите Товиеви, синовите на Некода — шестотини четириесет и двајца.

⁶³А од свештениците: синовите Ховаиеви, синовите Акосови, синовите на Верзелија, кој беше женет со ќекрата на Галадецот Верзелија и почна да се презива според нивното име.

⁶⁴Тие го бараа родословниот список, но не се најде, та затоа беа исклучени од свештенството.

⁶⁵И Атерсат им рече да не ја јадат големата светиња, сѐ додека не се издигне свештеник со урим и тумим.

⁶⁶Целото општество заедно беше четириесет и две илјади и триста и шеесет души,

⁶⁷освен слугите нивни, кои беа седум илјади и триста и триесет и седум; и при нив уште певци и певици — двесте и четириесет и пет.

⁶⁸Коњи имаа седумстотини и триесет и шест, маски имаа двесте и четириесет и пет,

⁶⁹камили — четиристотини и триесет и пет, осли — шест илјади и седумстотини и дваесет.

⁷⁰Некои од родовските началници дадода приноси, за да врват работите. Агерсат даде во сокровишницата илјада драхми злато, петстотини чаши, петстотини и триесет свештенички одежди.

⁷¹А некои од старешините дадоа во сокровишницата, за да напредуваат работите, дваесет илјади драхми злато и две илјади и двесте мнаси сребро.

⁷²Други од народот дадоа дваесет илјади драхми злато и две илјади мнаси сребро и шеесет и седум свештенички одежди.

⁷³И така се населија во градовите свои свештеници и левити, и вратари и певци, и народ и Нетинејци и сиот Израил.