Read Свето Писмо (Гаврилова) 1990 Книга Естир 7 Bible Online

Книга Естир 7 - Свето Писмо (Гаврилова) 1990 bible

Книга Естир 7

¹И дојде царот со Амана на гозбата кај царицата Естира.

²Царот ја запраша Естира исто така и во тој втор ден за време гоштевањето: »Која е твојата желба, царице Естира? Таа ќе биде исполнета; и која е молбата твоја? Макар и за половина од царството, таа ќе биде исполнета.«

³Царицата Естира одговори и рече: »Ако сум нашла милост во твоите очи, царе, и ако на царот му е угодно, нека ми бидат подарени мојот живот, по моја желба, и мојот народ, по моја молба!

⁴Зашто јас и мојот народ сме продадени да бидеме истребени, убиени и загинати. Да бевме продадени како робови и робинки, јас ќе молчев, макар непријателот и да не ја надомести штетата на царот.«

⁵Проговори царот Артаксеркс и ја праша царицата Естира: »Кој е тој и каде е тој, кој се осмелил во своето срце да постапи така?«

⁶Естира му одговори: »Врагот и непријателот е овој злобен Аман!« И Аман затрепери пред царот и царицата.

⁷И во гневот свој царот стана од гозбата и отиде во градината на дворецот; Аман, пак, остана да ја моли за животот свој царицата Естира, зашто виде дека до царот го чека зло.

⁸Кога царот се врати од градината при дворецот во домот на гозбата, Аман се беше наведнал кон леглото, на кое седеше Естира. И царот рече: »Сака дури и да ја обесчести царицата во куќата моја!« Излезе зборот од устата на царот, — му го покрија лицето на Амана.

⁹И рече Арвона, еден од царските слуги: »Еве ја бесилката, што ја беше приготвил Аман за Мардохеја, кој говореше добро за царот, стои во домот на Амана, висока е педесет лакти.« И царот рече: »Обесете го на неа!«

¹⁰И го обесија Амана на весилката, што тој ја беше направил за Мардохеја. Тогаш гневот на царот стивна.