Read Свето Писмо (Гаврилова) 1990 Јов 12 Bible Online

Јов 12 - Свето Писмо (Гаврилова) 1990 bible

Јов 12

¹Пак одговори Јов и рече:

²»Само вие ли сте луѓе, и со вас ли ќе исчезне мудроста!

³И јас знам да мислам како вас; и во ништо не сум подолен од вас; и кој не го знае истото тоа?

⁴за потсмев станав јас на пријателот свој, јас што го повикував Бога, и Кој ми одговараше, — за потсмев е — праведниот и непорочниот човек.

⁵Несреќниот треба да се презира — тие мислат, да се удира по оној, чии нозе се сопнуваат.

⁶Спокојни се шаторите на крадците и безопасни на оние што Го гневат Бога, ним Бог им дава сѐ.

⁷Но, прашај го добитокот, и ќе те научи; запрашај ја небеската птица, и ќе ти објасни.

⁸Гуштерите ќе те поучат, ќе ти кажат и морските риби.

⁹Кое од сите созданије не знае, дека раката на Господа го создала?

¹⁰Но Неговата рака е душата на сѐ што е живо и духот на секоја човечка плот.

¹¹Нели увото ги разбира зборовите, и нели јазикот го распознава вкусот на храната?

¹²Кај старците има мудрост, а кај долговечните — разум.

¹³Но во Него има мудрост и сила, Негови се решението и разумот.

¹⁴Она што Он ќе разурне, нема да се изгради: кого Он ќе заговори, нема да се ослободи.

¹⁵Да ги запре водите, и сѐ ќе се исуши; да ги пушти, и земјата ќе ја разрушат.

¹⁶Во Него е силата и сета мудрост, пред Него е оној, што е заблуден, и оној што воведува во заблуда.

¹⁷Он ги приведува советниците во необмисленот и ги прави судиите безумни.

¹⁸Он ги лушува царевите од власт и го врзува со јаже крстот нивни;

¹⁹на кнезовите им го одзема достоинството и силните ги кутнува;

²⁰им го одзема јазикот на гордите и ги лишува од разум старците;

²¹ги покрива со срам славните и јас ослабнува силата на моќните:

²²ја открива темнината во длабините и ја вади на видело смртната сенка;

²³ги издигнува народите и ги истребува; ги распрснува и ги собира;

²⁴им го одзема умот на кнезовите земни и ги упатува на безпатна пустиња:

²⁵со пипање одат тие по темнина, без светило, и скитаа како пијани.