Read Свето Писмо (Гаврилова) 1990 Јов 18 Bible Online

Јов 18 - Свето Писмо (Гаврилова) 1990 bible

Јов 18

¹Проговори Вилдад од Сува и рече:

²»Кога најпосле ќе им ставиш крај на таквите зборови? Размисли се, па потоа да зборуваме.

³Зошто нѐ сметаш за неразумни животни! Зар сме животни во твоите очи?

⁴О ти, кој во гневот свој, ја раскинуваш душата своја! Зарем заради тебе да запустее земјата и карпата да се крене од своето место?

⁵Да, светлината кај беззаконикот ќе згасне, и искрата од огнот негов нема да остане.

⁶Светлината ќе потемнее во шаторот негов, светилото негово ќе згасне над него.

⁷Стапките не силата негова ќе ослабеат, сопствената мисла ќе го отфрли,

⁸зашто ќе падне во стапица со нозете свои, и по мрежи ќе оди.

⁹Стапицата ќе ја фати ногата негова и грабач ќе го улови.

¹⁰Скришно се поставени за него стапици на патот, по кој оди.

¹¹Ужаси од секаде го демнат и тој се метка наваму — натаму.

¹²Од глад се истоштува силата негова, смртта е готова, близу е до него.

¹³Ќе ги испојаде деловите на телото негово, ќе ги испојаде жилите негови првенецот на смртта.

¹⁴Од шаторот негов ќе се искорне неговата надеж; и тоа ќе го одведе при царот на ужасите.

¹⁵Ќе се населат во шаторот негов, бидејќи тој веќе не е негов: живеалиштето негово ќе биде посипано со сулфур.

¹⁶Одоздола се сушат корените негови, одозгора ќе овенат ветките негови.

¹⁷Споменот за него ќе изчезне од земјата, на плоштадот ќе го нема името негово.

¹⁸Ќе го изгонат од светлина во темнина и ќе го избришат од лицето на земјата.

¹⁹Ни син негов, ни внук нема да има во народот негов: никој нема да остане во живеалиштата негови.

²⁰За денот негов ќе се ужасат потомците, а современиците ќе бидат обземени од трепет.

²¹Такви се живеалиштата на беззаконикот, и такво е местото на оној, кој не знае за Бога.«