Read Свето Писмо (Гаврилова) 1990 Јов 28 Bible Online

Јов 28 - Свето Писмо (Гаврилова) 1990 bible

Јов 28

¹»И така, среброто си има исходна жила, и златото — место, каде што го пречистуваат.

²Железото се добива од земјата; од камен се претопува бакар.

³Човекот определува предели во темнината и грижливо бара камен во мракот и во смртната сенка.

⁴Ископуваат рудокопен извор во места, недостапни за нога, нишајќи се висат далеку од луѓето.

⁵Од земјата никнува жито, а под неа сѐ е испревртено, како оган.

⁶Во камењата нејзини има место за сафир, во нив има и златни зрнца.

⁷Патеката за таму граблива птица не ја знае, јастребовото око не ја видело;

⁸ѕверки мали не ја газеле, и не одле по неа лав.

⁹Не гранит ја става човек раката своја, од дното превртува гори;

¹⁰во карпи пресечува извори, и окото негово гледа сѐ што е скапоцено;

¹¹го запира текот на реките и сокриеното го вади на видело.

¹²Но каде се наоѓа мудриста, и каде е местото на разумот?

¹³Не ја знае човекот цената нејзина, ниту се наоѓа по земјата на живите.

¹⁴Бездната вели: — не е во мене таа: — и морето вели: — не е кај мене -.

¹⁵Таа не се дава за злато и не се добива за измерено сребро;

¹⁶таа не се оценува со офирско злато, ниту со скапоцен оникс, ниту со сафир;

¹⁷не се споредува со неа злато и кристал; нема да ја размениш со садови од чисто злато.

¹⁸А за корал и бисер нема што ни да се спомнува, зашто здобивање со мудрост чини повеќе од рубини.

¹⁹Со неа не се изедначува етиопскиот топаз; со чисто злато таа не се оценува.

²⁰Од каде, всушност, излегува мудроста? Каде е местото на разумот?

²¹Сокриена е таа од очите на сѐ што е живо и притаена е од птиците небески.

²²Погубноста и смртта велат: ‚со ушите свои го чувме мрморењето за неа.‘

²³Бог го знае патот нејзин; Он го познава местото нејзино.

²⁴Зашто Он гледа до крајот на земјата и гледа под целото небо.

²⁵Кога Он му даваше на верерот мерка и ја наместуваше водата по мера,

²⁶кога му даваше наредби на дождот и пат на громоносната молња,

²⁷уште тогаш Он ја виде и ја објави, ја приготви и уште ја испита.

²⁸А на човекот му рече: ‚Ете, стравот Господов е вистинска мудрост, а одбегнувањето од зло е разумот.‘«