Read Свето Писмо (Гаврилова) 1990 Псалми 1 Bible Online

Псалми 1 - Свето Писмо (Гаврилова) 1990 bible

Псалми 1

¹Блажен е оној човек, што не оди на советот безбожнички, не застанува на пат на грешници и не седи во друштво на развратници,

²па му омилел законот на Господа и во законот Негов дење и ноќе се поучува;

³тој е како дрво посадено крај воден извор, кое својот род го дава навреме, и чиј лист не вене; и во сѐ што прави, напредува.

⁴Но не се такви безбожниците; тие се како прав, што го растура ветар по земјата.

⁵Затоа безбожниците нема да се одржат на судот, ниту грешниците — во соборот на праведниците.

⁶Зашто Господ го знае патот на преведниците; патот, пак, безбожнички води во погибел.