Read Свето Писмо (Гаврилова) 1990 Псалми 10 Bible Online

Псалми 10 - Свето Писмо (Гаврилова) 1990 bible

Псалми 10

¹На Господа се надевам, зошто да ѝ речете на душата моја: »Одлетај во гората своја како птица?«

²Но ете грешниците, го затегнаа лакот, ја притегнаа стрелата своја на тетивата, па од мрак да стрелаат на чистите по срце.

³Ти што си направил, тие го разрушија; што може праведникот да прави? Господ е во својот свет храм.

⁴Господ е на престолот небесни; очите Негови гледаат на сиромавиот, веѓите Негови ги испитуваат синовите човечки.

⁵Господ го испитува праведникот, а безбожникот, и оној што сака неправда, ја мрази душата своја.

⁶На грешниците ќе пушти дожд од разгорен јаглен, оган и сулфур, а силен ветар ќе им биде дел во чашата нивна.

⁷Зашто Господ е праведен, ја сака правдата: лицето Негово ќе го гледаат праведниците.