Read Свето Писмо (Гаврилова) 1990 Псалми 109 Bible Online

Псалми 109 - Свето Писмо (Гаврилова) 1990 bible

Псалми 109

¹Му рече Господ на мојот Господ: »Седи од Мојата десна страна, додека ги ставам непријателите Твои во подножјето на нозете Твои.

²Жезалот на Твојата сила ќе ти го прати Господ од Сион: владеј меѓу непријателите Свои.

³Со Тебе започнува Твојата сила; во светлината на светиите Твои; Те родив уште пред да постои ѕвездата Деница.

⁴Се заколна Господ и нема да се покае: Ти си вечен свештеник по чинот Мелхиседеков.«

⁵Господ Кој е од Твојата десна страна, во денот на гневот Свој, Он ќе ги порази царевите;

⁶ќе изврши суд над народите, ќе ја исполни земјата со трупови, ќе ги скрши главите на многумина на земјата.

⁷Од потокот на патот ќе пие, и затоа високо ќе ја крене главата.