Read Свето Писмо (Гаврилова) 1990 Псалми 11 Bible Online

Псалми 11 - Свето Писмо (Гаврилова) 1990 bible

Псалми 11

¹Спаси ме, Господи, зашто не остана праведен, зашто се намалија верните меѓу синовите човечки.

²Суета му кажуваат секој на ближниот свој; од дволично срце устите зборуваат лага.

³Нека ги истреби Господ сите соблазниви усти и јазик што се возвеличува;

⁴оние што зборуваат: »Јазикот свој ќе го величаме; устата ни е со нас; кој е господар над нас?«

⁵»Заради страдањата на сиромасите и офкањата на бедните ќе се кренам сега — вели Господ — ќе го спасам оној, кому сакаат да му напакостат.«

⁶Зборовите на Господа се зборови чисти, сребро во оган исчистено од земја, седумпати пречистено.

⁷Ти, Господи, ќе нѐ одбраниш и ќе нѐ запазиш од овој род и довека.

⁸Нечестивите одат наоколу; според возвишеноста Своја многу си им допуштил на синовите човечки.