Read Свето Писмо (Гаврилова) 1990 Псалми 117 Bible Online

Псалми 117 - Свето Писмо (Гаврилова) 1990 bible

Псалми 117

¹Славете го Господа, зашто Он е добар, зашто милоста Негова е вечна.

²Нека каже сега домот Израилев дека е Он добар, дека милоста Негова е вечна.

³Нека рече сега домот Аронов: дека е Он добар, дека милоста Негова е вечна.

⁴Нека кажат сега сите, кои се бојат од Господа: дека е Он добар, дека милоста Негова е вечна.

⁵Кога бев на мака, Го призвав Господа и ме услиши и на ширина ме изведе.

⁶Господ е мој помошник, нема да се уплашам: што може да направи човек?

⁷Господ ми е помошник: и јас слободно ќе гледам на непријателите мои.

⁸Подобро е да се надевам на Господа, отколку да се надевам на човек.

⁹Подобро е да се надеваме на Господа, отколку да се надеваме на кнезовите.

¹⁰Сите народи ме опколија, но со името Господово јас ги разбив;

¹¹ме опседнаа, меобиколија, но со името Господово јас ги победив.

¹²Ме опкружија како пчели околу сотка, па се запалија како оган во трње: со името Господово јас им се противставив.

¹³Ме турнаа силно, за да паднам, но Господ ме прифати.

¹⁴Господ е крепост моја и песна; Он стана мое спасение.

¹⁵Глас на радост и на спасение се слуша во домовите на праведните; десницата на Господа дава сила!

¹⁶Десницата Господова ме возвишува, десницата Господова дава сила.

¹⁷Нема да умрам, но ќе живеам и ќе ги разгласувам делата Господови.

¹⁸Господ строго ме казни, но на смрт не ме предаде.

¹⁹Отворете ми ја вратата на правдата: ќе влезам во неа, ќе го прославувам Господа.

²⁰Ете, тоа е вратата Господова, праведните влегуваат низ неа;

²¹ќе Те славам, зашто ме услиши и стана спасение мое.

²²Каменот, што го отфрлија ѕидарите, стана глава на аголот.

²³тоа е од Господа, и е прекрасно во очите наши.

²⁴Овој ден е што го создаде Господ за да се зарадуваме и да се развеселиме во него.

²⁵О, Господи, спаси! О, Господ, побрзај!

²⁶Нека е благословен оној, кој оди во името на Господа! Ве благословуваме од домот Господов.

²⁷Бог е Господ и ни се јави; образувајте празнична придружба до роговите на жртвеникот.

²⁸Бог мој си Ти и Тебе ќе те славам; Бог мојси Ти и Тебе ќе те превознесувам. Ќе те прославувам, зашто Ти ме услиши и стана мое спасение.

²⁹Славете го Господа, зашто Он е добар, зашто милоста му е вечна.