Read Свето Писмо (Гаврилова) 1990 Псалми 123 Bible Online

Псалми 123 - Свето Писмо (Гаврилова) 1990 bible

Псалми 123

¹Да не беше Господ со нас, — нека каже Израилот, —

²да не беше Господ со нас, кога луѓето се кренаа против нас, —

³живи ќе нѐ проголтаа, кога пламна нивната јарост против нас;

⁴вода ќе нѐ потопеше, поток ќе го однесеше животот наш;

⁵бурна вода ќе ја однесеше нашата душа.

⁶Нека е благословен Господ, Кој не нѐ прададе во плен на нивните заби.

⁷Душата наша се избави како птица од примка на ловци: примката се скина, а ние се избавивме.

⁸Помошта наша е во името на Господа, Кој ги создаде небото и земјата.