Read Свето Писмо (Гаврилова) 1990 Псалми 134 Bible Online

Псалми 134 - Свето Писмо (Гаврилова) 1990 bible

Псалми 134

¹Фалете го името Господово, фалете го, слуги Господови,

²вие кои стоите во домот Господов, во дворовите од домот на нашиот Бог.

³Фалете Го Господа, зашто Господ е добар; пејте му на името Негово, зашто тоа е мило;

⁴зашто Господ го избра Јакова, Израилот, за свое наследство.

⁵Бидејќи познав, дека Господ е велик, и дека нашиот Господ е над сите богови:

⁶си што посака Господ, создаде на небото и на земјата, во морињата и во сите бездни.

⁷доведувајќи облаци од краиштата на земјата, молњи при дожд создаде, Он, Кој ги изведува ветровите од скровиштата нивни,

⁸Оној, Кој ги порази првородените во Египет од човек до добиток,

⁹покажа знаци и чудеса среде тебе, Египте, на Фараонот и врз сите слуги негови,

¹⁰порази многу народи и истреби силни цареви:

¹¹Сион, царот аморејски, и Ог, царот васански, и сите цареви ханански;

¹²и му ја даде нивната земја во наследство на Својот народ, Израилот.

¹³Господи, името Твое е вечно; Господи, споменот за Тебе е од род во род.

¹⁴Зашто Господ ќе му суди на Својот народ и ќе биде милостив над слугите Свои.

¹⁵Идолите на незнабожците се сребро и злато, дело на раце човечки;

¹⁶имаат уста, но не говорат; имаат очи, но не гледаат;

¹⁷имаат уши, но не слушаат, ниту, пак, во устата нивна има здив.

¹⁸Слични на нив нека бидат и оние, кои ги прават, и секој кој на нив се надева.

¹⁹Доме Израилев, благословувај Го Господа. Доме Аронов, благословувај Го Господа!

²⁰Доме Левиев, благословувај Го Господа! И вие, кои се боите од Господа, благословувајте Го Господа!

²¹Нека е благословен Господ од Сион, Кој живее во Ерусалим!