Read Свето Писмо (Гаврилова) 1990 Псалми 142 Bible Online

Псалми 142 - Свето Писмо (Гаврилова) 1990 bible

Псалми 142

¹Господи, услиши ја молитвата моја, чуј го молењето мое поради Твојата вистина; услиши ме поради Твојата правда

²и не стапувај во суд со Твојот слуга, зашто пред Тебе нема да се оправда ниту еден од живите.

³Непријателот ја прогонува душата моја, го понизил животот мој дури до земјата, ме остави во темнина како оние кои се одамна умрени;

⁴опадна духот мој во мене, се вознемири во мене срцето мое.

⁵Се сетив на дамнешните дни и размислував за сите Твои дела, расудував заделата на Твоите раце.

⁶Ги протегнав кон Тебе рацете мои, душата моја е жедна за Тебе како сува земја.

⁷Улиши ме, поскоро, Господи: духот мој малакса; не одвраќај го лицето Свое од мене, за да не заприлегам на оние, што слегуваат во гроб.

⁸Соопшти ми ја утрената милост Твоја, зашто на Тебе се надевам, Господи. Покажи ми го, Господи, патот по кој да одам, зашто кон Тебе ја вознесувам душата своја.

⁹Избави ме, Господи, од моите непријатели, зашто при Тебе прибегнав.

¹⁰Научи ме да ја исполнувам волјата Твоја, зашто Ти си мојот Бог. Твојот благ дух нека ме води по прав пат.

¹¹Заради Твоето име, Господи, ќе ме оживиш; поради Твојата правда — ќе ја избавиш од неволја душата моја.

¹²Според милоста Твоја истреби ги непријателите мои и погуби ги сите, кои ја измачуваат душата моја, зашто јас сум слуга Твој.