Read Свето Писмо (Гаврилова) 1990 Псалми 145 Bible Online

Псалми 145 - Свето Писмо (Гаврилова) 1990 bible

Псалми 145

¹Фали Го, душо моја, Господа!

²Ќе Го фалам Господа додека сум жив; ќе Му пеам на мојот Бог додека постојам.

³Не надевајте се на кнезовите и на синовите човечки, во нив нема спасение.

⁴Излегува духот негов, и тој се враќа во земјата своја: во тој ден исчезнуваат сите негови помисли.

⁵Блажен е ониј, кому му е помошник Јакововиот Бог и чија надеж е во Господа, неговиот Бог,

⁶Кој го создаде небото и земјата, морето и сѐ што е во нив, Кој вечно ја пази вистината,

⁷Кој врши суд на навредени, им дава леб на гладни; Господ крши окови на затворени.

⁸Господ им ги отвора очите на слепите, Господ ги исправа подгрбавените, Господ ги сака праведните.

⁹Господ ги пази придојдените, ги поддржува сираците и вдовиците, а патот на грешниците го разурнува.

¹⁰Господ ќе царува вечно; твојот Бог, Сионе, е од род в род.