Read Свето Писмо (Гаврилова) 1990 Псалми 146 Bible Online

Псалми 146 - Свето Писмо (Гаврилова) 1990 bible

Псалми 146

¹Хвалете Го Господа, зашто е добро да Му се пее на нашиот Бог, зашто на Добриот Му прилега похвала.

²Господ го гради Ерусалим и ќе ги собере расеаните синови на Израилот.

³Он ги изцелува скрушените по срце и ги преврзува раните нивни.

⁴Го определува бројот на ѕвездите и не сите им дава име.

⁵Велик е Господ наш и голема е силата Негова, а мудроста Негова — неизмерлива е.

⁶Господ ги прифаќа смирените, а грешниците ги понижува до земја.

⁷Пејте Му секогаш славословија на Господа: на гусле пејте Му на Нашиот Бог,

⁸Кој го покрива небото со облаци, подготвува дожд за земјата, прави да расте трева по горите и растенијата за полза на човекот,

⁹на добитокот му ја дава храната негова и на малите врани кога гракаат.

¹⁰На коњската сила не гледа Он, ниту Му е мила брзината на човечките нозе.

¹¹Господ ги почитува оние, кои се бојат од Него и кои се надеваат на Неговата милост.