Read Свето Писмо (Гаврилова) 1990 Псалми 17 Bible Online

Псалми 17 - Свето Писмо (Гаврилова) 1990 bible

Псалми 17

²Господ е моја тврдина и прибежиште мое, мој избавител, Бог мој, помошник мој; и ќе се надевам на Него; Он е мој заштитник, сила на спасението мое и заштитник мој.

³Ќе Го призовувам и ќе Го прославувам Господа, и ќе се спасам од непријателите свои.

⁴Смртни маки ме обзедоа, и потоци од беззаконија ме вознемирија;

⁵пеколни болести ме опколија, смртини стапици ме стегнаа.

⁶Во притеснение Го повикав Господа и кон мојот Бог извикав. И Он од Својот свет храм го чу гласот мој, и мојот вик стигна до Неговиот слух.

⁷Се затресе и се разниша земјата; затреперија и од темел се поместија горите, зашто Господ се разгневи;

⁸се крена дим од гневот Негов и од лицето Негово оган пламна; кој проголтува си; разгорени јаглења отскокаа од Него.

⁹Ги приклони Он небесата и слезе, — а мрак падна под нозете Негови.

¹⁰И седна на херувими, па полета и се понесе на ветерните крилја.

¹¹Од мракот направи Свој заклон, и сенка околу Себе — темна вода во воздушните облаци.

¹²Од молскање бегаа од Него облаците, градот и огнените јаглења.

¹³И загрме Господ од небесата, и Севишниот го пушти Својот глас: град и разгорени јаглења.

¹⁴И ги пушти стрелите Свои и ги распрсна, ги умножи молњите — и ги растури.

¹⁵И се појавија извори водни, и се открија основите на вселената од страшниот глас Твој, Господи, од здивот на гневот Твој.

¹⁶Он посегна од висините, и ме прифати, па ме извлече од многуте води.

¹⁷А ќе ме избави од силните мои непријатели и од оние кои ме мразат, од оние што се посилни од мене.

¹⁸Тие се кренаа против мене во денот на мојата несреќа, но Господ беше потпора моја.

¹⁹Ме изведе Он на пространо место и ме избави, зашто ме засака.

²⁰Ми воздаде Господ според мојата правда, и според чистотата на моите раце ме вознагради,

²¹зашто ги запазив патиштата на Господа и не се оддалечив од мојот Бог;

²²оти сите заповеди Негови се пред мене, и наредбите Негови не ги отстранив од себе.

²³Ќе бидам непорочен пред Него и ќе се пазам од беззаконија.

²⁴И ќе ми воздаде Господ според мојата правда, и по чистотата на рацете мои пред очите Негови.

²⁵Со светиите Ти постапуваш свето, со невин човек — си благ,

²⁶со чистиот — чисто, а со лукавиот — според неговото лукавство,

²⁷зашто Ти ги спасуваш угнетените и гордите ќе ги понизиш.

²⁸Оти Ти го осветлуваш моето светило, Господи; мојот Бог ја осветлува темнината моја;

²⁹Ти ќе ме избавиш од искушенијата, и со мојот Бог, и ѕид ќе прескочам.

³⁰Бог мој, непорочен е Неговиот пат, Господовите зборови со оган се пречистени; Он е заштитник на сите, кои се надеваат на Него.

³¹Зашто, кој е Бог, освен Господа, и кој е Бог освен нашиот Бог?

³²Бог е Оној Кој ме препашува со сила и ми поставува непорочен пат;

³³ми ги прави нозете како на елен и ме поставува на височини;

³⁴ми ги обучува рацете за борба, и мускулите мои ги прави да затегнуваат бакарен лак.

³⁵Ти ми даде заштита за моето спасение, Твојата десница ме прифати, и Твоето воспитување ме исправи до крај; и тоа ќе ме научи.

³⁶Ти ги рашируваш чекорите мои под мене, и нозете мои не се заморуваат.

³⁷Ќе ги гонам непријателите мои и ќе ги стигнам, и не се враќам, додека не ги победам;

³⁸ќе ги притиснам, и тие не ќе можат да опстанат, ќе паѓаат под нозете мои,

³⁹зашто Ти ме препаша со сила за борба и ги покори пред мене оние, што станаа против мене;

⁴⁰Ти ги натера во бегство непријателите мои, и ги истреби сите оние, што ме мразат;

⁴¹тие повикаа, но нема кој да ги спаси: и кон Господа, — но Он не ги чу;

⁴²ќе ги иситнам како прав на ветар, ќе ги газам како кал по патиштата.

⁴³Ќе ме избавиш од народ бунтовен, ќе ме поставиш за поглавар над народ, чии луѓе не познавав, и тие сега ќе ми служат;

⁴⁴само по слух за мене ме слушаат туѓинците и ми се покоруваат;

⁴⁵туѓинците бледнеат и треперат, излегувајќи од своите градови.

⁴⁶Жив е Господ, и нека е благословен мојот Бог! И нека се превознесува Бог на моето спасение.

⁴⁷Бог, Кој одмаздува за мене, Кој ми ги покорува народите,

⁴⁸Избавител од моите гневни непријатели! Ќе ме возвисиш над оние, што стануваат против мене, и ќе ме избавиш од човек неправеден.

⁴⁹Поради тоа Те исповедам преднародите, Господи, и ќе го воспевувам името Твое;

⁵⁰Ти Кој величествено го спасуваш царот Свој иму правиш милост на Твојот помазаник Давида и на потомството негово — довека.